चुलाचुली,३० साउन। संघीय लिम्बुवान मञ्च, नेपालले आफ्नो पार्टी संघीय लोकतान्त्रिक राष्ट्रिय मञ्चको आगामी राष्ट्रिय महाविधेसनलाई लक्षित गर्दै क्रियासिल कार्ड वितरण कार्य तिब्र पारेसँगै इलामको चुलाचुलीले पनि शुभारम्भ गरेको छ ।
शनिबार चुलाचुली १ कमलमा एक अन्तरक्रिया कार्यक्रम गर्दै गाउँपालिकामा ५ हजार क्रियासिल कार्ड वितरण गर्ने लक्ष्य सहित कार्ड वितरण कार्यक्रम शुभारम्भ भएको मञ्चले उद्घोषण गरेको हो ।
मञ्चका महासचिव थाङ्साङ् लावतीको प्रमुख आतिथ्यतामा भएको उक्त अन्तरक्रिया कार्यक्रममा बोल्दै महासचिव लावतीले संघीय लोकतान्त्रिक गणतन्त्र नेपाललाई रक्षा गर्दै पहिचान सहितको संघीय राज्य निर्माणमा मञ्च निरन्तर अघि बढिरहने प्रतिबद्धताका साथ संघीय मञ्च मेची काली अभियान सहित लिम्बुवान सहितको १०+१ प्रान्त निर्माणमा अघि बढेको बताए । मञ्चमा आउन चाहाने अन्य पार्टीका नेता कार्यकर्ताहरुलाई सम्मानजनक व्यवहार गर्दै मञ्चमा आउन अपिल गर्ने पनि उनले बताए । यसै प्रसङ्गमा जाेड्दै महासचिव लावतीले पाँच बर्ष अघिकाे लिम्बुवानजन्य पाँच पार्टी एकताकाे पिढाले सधै सताइ रहने समेत स्मरण गरे ।
यसैगरी अर्का वक्ता मञ्चका उपमहासचिव तथा संचार प्रमुख दिलकुमार लावतीले मञ्चको आगामी महाधिवेशनलाई लक्षित गर्दै देशव्यापी रुपमा क्रियासिल कार्ड वितरणलाई तिब्रता दिर्दै आगामी असोज १५ सम्ममा सबै प्रान्तमा क्रियासिल वितरण कार्य सम्पन्न गर्दै वार्ड, स्थानीय तहको अधिवेशन त्यसपछि प्रान्तहरुको अधिवेशन गर्दै पुषको पहिलो सातासम्ममा संघीय मञ्चको महाधिवेशन गर्ने तयारी भईरहेको हुँदा सबै नेता कार्यकर्ताहरुलाई तिब्र रुपमा संगठनको संरचना अनुसार काम गर्न अनुरोध गरेका छन् ।
उपमहासचिव लावतीले आगामी स्थानीय तहको चुनाव, संघ र प्रदेशको चुनाव लक्षित कार्यक्रमहरु टोल–टोलमा गर्नुपर्ने औल्याउँदै सबै नेताहरुलाई आ–आफ्नो वार्डहरुमा राजनीतिक जनचेतनामूलक कार्यक्रमहरु गर्न आग्रह गरेका छन् । यस्तैगरी मञ्चप्रति इमान्दार व्यक्तिहरुलाई क्रियासिल कार्ड वितरण गर्न समेत उनले अनुरोध गरेका छन् ।
कार्यक्रममा मञ्चका सचिवालय सदस्य तिलक फागो, केन्द्रीय सदस्यहरु पूर्ण लावती ध्रुव, विष्णुराज तुम्बापो, दिपक आङ्देम्बे लगायत नेताहरुले मञ्चको बारेमा आ–आफ्ना धारणाहरु राखेका थिए । कार्यक्रम मञ्चका चुलाचुली अध्यक्ष विपीन योङयाको अध्यक्षतामा भएको थियो । अन्तरक्रिया कार्यक्रममा मञ्चबाट निर्वाचित जनप्रतिनिधिहरुको समेत उपस्थिति रहेको थियो ।
दमक, ७ भदाैं । ताप्लेजुङस्थित मुक्कुम्लुङ साहित्य प्रतिष्ठान पुनर्गठन भएको छ । शनिबार संस्थाको प्रथम साधारण सभाले मनिष हेल्लोको अध्यक्षतामा १४ सदसीय कार्यसमिति निर्विरोध चयन गरेको हो । कार्यक्रमबाट प्रतिष्ठानको उपाध्यक्षहरूमा सीता पिरती , मणि सेम्बु...
दमक, ६ भदौं । झापा जिल्ला अन्तरर्गत किरात याक्थुङ चुम्लुङ अर्जुनधारा नगर तदर्थ समिति गठन भएको छ । शनिबार राजेश जवेगुको अध्यक्षतामा अर्जुनधारा नगर तदर्थ समिति गठन गरिएको हो । तदर्थ समितिको उपाध्यक्षमा पूर्णबहादुर लिङदेन,...
दमक। इलाम जिल्लाको चुलाचुली गाउँपालिकाले स्थानीय तहबाटै भूमि प्रशासनसम्बन्धी सेवा सुरु गरेको छ । बिहीबार गाउँपालिले एक विशेष समारोहको आयोजना गर्दै इलाम सदरमुकामस्थित भूमि प्रशासन तथा नापी कार्यालयबाट प्रवाह हुँदै आएको सेवा गाउँपालिकाबाट शुरु भएको...
दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो । सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७