दमक, ३२ साउन । झापा जिल्लामा लगाईएको निषेधाज्ञा भोलि भदौ १ गतेदेखि लागु हुने गरी परिमार्जित गरि खुलाउने निर्णय भएको छ । कोरोाना सक्रमण रोकथामका लागि निरन्तर रुपमा निषेधाज्ञा हुँदै आएको कारण जनजीवन प्रभावित भइरहेको अवस्थामा आज बसेको डिसीसीएमसीको बैठकले निषेधाज्ञा परिमार्जित गरि बजार खुलाउने निर्णय गरेको हो ।

सोमबार जिल्ला प्रशासन कार्यालय झापामा बसेको डीसीएमसी बैठकले दुई चरणमा वजार खुलाउने गरि भदौ १० गते राती १२ बजेसम्मका लागि निषेधाज्ञा लम्बाउने निर्णय गरेको हो । निषेधाज्ञा लम्बाइए पनि जिल्लाका सबै खाले पसल खुलाउने निर्णय गरेको छ ।

पहिलो चरणमा बिहान ६ बजेदेखि बिहान १० बजेसम्म खाद्यान्न, फलफूल, तरकारी, बिउ विजन, दुग्धजन्य पदार्थ बिक्री वितरण गर्न पाउने भनिएको छ भने । दोस्रो चरणमा कपडा, हार्डवेयर, होटल लगायतका अन्य सबै प्रकारका पसलहरू बिहान १० बजेदेखि बेलुका ६ बजेसम्म खुला गर्न पाउने निर्णय गरिए गरिएको प्रमुख जिल्ला अधिकारी श्रवणकुमार तिमिल्सिनाले बताए ।

साउन १६ गतेदेखि जिल्लाभर लगाईएको निषेधाज्ञा आज राती १२ बजे सकिदैछ । पसलहरूले स्वास्थ्य सुरक्षाको मापदण्ड अपनाएर मात्र पसल खोल्नु अनुरोध गरेको छ । अनुगमनमा जाँदा मापदण्ड फेला नपरेको खण्डमा कारबाही गरिने प्रजिअ तिमिल्सनाले बताए । त्यस्तै सवारीसाधनको हकमा सबै यातायात खुलाउने निर्णय गरिएको जनाइएको छ ।