धरान विजयपुर, ३ भदौं। धरान उपमहानगरपालिकाले भदौं ४ देखि १३ गते मध्यराती १२ बजेसम्म लकडाउन गरेको छ । उपमहानगरमा बसेको कार्यपालिका बैठकले १० दिनसम्म कडा लकडाउन गर्ने निर्णय गरेको हो ।

उपमहानगरपालिकाका प्रमुख तिलक राईका अनुसार यसपटक निकै कडा लकडाउन गरिने बताएका छन् । धरानमा कोरोना भाइरस संक्रमितको संख्या तिब्र वृद्धि हुनथालेपछि लकडाउन कडा गरिने भएको प्रमुख राईले बताए ।

प्रमुख राईले इलाका प्रहरी कार्यालय धरानसँग लकडाउन बारे जानकारी गरिएको बताए । साथै उनले सबै वडाका जनप्रतिनिधिहरुलाई पनि आ–आफ्नो वार्डहरुमा परिचालित हुन निर्देशन दिएका छन् ।

वार्डहरूमा संकास्पद विरामीहरू पाइएमा सबैको स्वाव संकलन गरी पिसिआर टेष्ट गर्ने पनि प्रमुख राईले बताए । पिसिआर टेष्ट गरि कोरोना पोजेटिभ आएमा आइसोलेसनमा राख्ने र थप उपचारको लागि विपि प्रतिष्ठानमा समन्वय गरिने प्रमुख राईले बताए ।

लकडाउन अवधि भर सबै कार्यालयहरु, बजार, पसल, यातायातका साधनहरु, उधोग, कलकारखाना, विद्यालय र सर्वसाधरणलाई आवातजावातमा पुर्ण रूपमा बन्द गर्ने जनाएको छ । साथै औषधी पसल, मेडिकलहरू पुर्णरूपमा खुल्ने जनाएको छ । र विरामीलाई आवस्यक पर्ने भएकोले दूधलाई पनि आफ्नो पसलको अगाडि डेरीमा राखेर बेच्न दिने भएको छ। हरियो सागपात, फलफुलहरू भने पुर्ण रूपमा बन्द गर्ने जनाएको छ ।