लिम्बुवानखबर, ११ भदौं । राष्ट्रपति विद्यादेवी भण्डारीले प्रभुराम शर्मालाई प्रधानसेनापतिमा नियुक्त गरेकी छिन् । शर्माको नियुक्ति भदौं २४ गतेबाट लागू हुने गरि नियुक्त गरिएको हो ।

राष्ट्रपति कार्यालयले एक विज्ञप्ति प्रकाशित गर्दै नेपालको संविधानको धारा २६७ को उपधारा (५) बमोजिम प्रधानसेनापतिमा नियुक्त गरिएको जनाएको छ ।

भदौं ३ गतेको मन्त्रीपरिषद् बैठकको सिफारिसमा शर्मालाई प्रधानसेनापति नियुक्त गर्न राष्ट्रपति समक्ष सिफारिस गरेको थियो । हाल नेपाली सेनाको कायममुकायम जिम्मेवारी सम्हाल्दै आएका बालाधिकृत रथी शर्मालाई सोही सिफारिस अनुसार राष्ट्रपति भण्डारीले प्रधानसेनापतिमा नियुक्त गरेकी हुन् ।

प्रधानसेनापति पूर्णचन्द्र थापाको पदावधि भदौं २४ गते समाप्त हुँदैछ । पवाधी समाप्त हुन एक महिना अघि नै प्रधानसेनापछि घरविदामा बस्ने हुनाले जेष्ठटाका आधारमा शर्मा कायममुकायम प्रधानसेनापति तोकिएका थिए ।

तीन वर्षे पदावधि आउँदो भदौ २४ गते समाप्त हुँदैछ । पदावधि समाप्त हुने एक महिना अघि अर्थात साउन २५ गतेदेखि उनी घरविदामा बस्ने हुनाले जेष्ठताका आधारमा शर्मा कायममुकायम प्रधान सेनापति तोकिएका थिए ।