कियाचु यूकेको आसफोर्ड शाखा अध्यक्षमा सुदिप थोप्रा

 लिम्बुवान न्युज
                       

लिम्बुवानखबर । किरात याक्थुङ चुम्लुङ यूकेको आसफोर्ड शाखाको अध्यक्षमा सुदिप थोप्रालाई चयन भएका छन् । आइतबार आसफोर्डको मस्ग्रोभ रोडमा भएको पाँचौ अधिवेशनले सुदिप थोप्रालाई अध्यक्षमा निर्वाचित गरेको हो ।

कार्यक्रमलाई प्रमुख अतिथि कियाचु यूकेका उपाध्यक्ष छत्र वनेमले उद्घाटन गरेका थिए । शाखाको अधिवशेनले थोप्रोको अध्यक्षतामा २७ सदस्यीय कार्य समिति गठन गरेको छ । समितिको उपाध्यक्षहरूमा काजी साम्यू, शकुन्तला नेम्वाङ, दिवस थोप्रा, सुन्दर लिङ्थेप, सचिवमा अमित थेवे, सहसचिवहरूमा डम्बर खापुङ, शिखर सम्बाहाम्फे, कोषाध्यक्षमा तुलविक्रम वनेम र सह–कोषाध्यक्षमा शान्ता फावेन निर्वाचित भएका छन् ।

त्यसैगरी, साँस्कृतिक विभाग सचिवमा शिखर सम्बाहाम्फे र सहसचिवहरूमा गोकुल लिवाङ, निसुमा मुसाहाङ, सिक्कुम हुक्पा चोङवाङ, भाषा तथा साहित्य विभाग सचिवमा शिशिर सम्बाहाम्फे र सहसचिवमा योगेन्द्र तावा रहेका छन् । यस्तै, सदस्यहरूमा राई बहादुर मादेन, बुद्धि जवेगू, अनिता मादेन, राम तुम्बाहाम्फे, पदमा योङहाङ, सरला नेयोङहाङ, पृथीहाङ येङ्देन, सुजेन्द्र माबोहाङ, दिवाना पालुङ्वा, यमुना नेम्वाङ र सृजना माबो रहेका छन् ।

निवर्तमान अध्यक्ष टङ्क येङ्देनको अध्यक्षता तथा सचिव दिवस थोप्राको सञ्चालनमा भएको उक्त अधिवेशनले निवर्तमान अध्यक्ष येङ्देनलाई आगामी सेप्टेम्बरमा हुन लागिरहेको चुम्लुङको १०औँ महाधिवशेनका लागि केन्द्रीय सदस्यमा पठाउने समेत सर्वसम्मतले निर्णय गरेको छ । अधिवेशनमा सचिव थोप्राले साङ्गठनिक प्रतिवेदन तथा कोषाध्यक्षले आर्थिक प्रतिवेदन प्रस्तुत गरेका थिए । निर्वाचन मण्डल अध्यक्ष एवम् संस्थापक शाखा अध्यक्ष राजेन्द्र खिम्दिङले निर्वाचित समितिका पदाधिकारी सदस्यहरूलाई सपथ ग्रहण गराएका थिए । निर्वाचनको प्रक्रियामा पूर्व केन्द्रीय अध्यक्ष डम्मर सिंगक र शाखा सल्लाहकार दिल सम्बाहाम्फेले साथ दिएका थिए । नवनिर्वाचित अध्यक्ष थोप्राले पहिलो बैठक सेप्टेम्बर दोस्रो साता बस्ने तयारी भइरहेको जानकारी दिए ।

१० वर्ष पूरा गरेको अवसरमा काटियो केक

अधिवेशनकै क्रममा कियाचू आसफोर्ड शाखा स्थापना भएको १० वर्ष पूरा गरेको अवसरमा पूर्व अध्यक्षहरूले केक काटेर उत्सव समेत मनाएका थिए । अधिवेशनमा केन्द्रीय समितिका उपाध्यक्ष दुर्गा पाङ्मा, महासचिव गणेश इजम, केन्द्रीय सदस्य पूर्ण मादेन, पूर्व केन्द्रीय अध्यक्ष सिरी साम्यू, कोषाध्यक्ष देव हुक्पा चोङवाङ, शाखा सल्लाहकार नरेन्द्र माबोहाङ लगायतको उपस्थित रहेको थियो ।

कियाचु आसफोर्ड यूकेकै सबैभन्दा ठूलो शाखा मानिन्छ । आसफोर्ड शाखाको स्थापना सन् २०१० अगष्ट २९ मा भएको थियो । यूकेमा हाल १६ शाखाहरू रहेका छन् । केन्द्रीय महाधिवेशन यहीँ सेप्टेम्बर १७ र १८ मा अल्डरसटमा हुँदैछ ।

सम्बन्धित समाचार

बहु प्रतिक्षित ‘देम सारो’ गीतको भिडियो सार्वजनिक

लिम्बुवानखबर, ९ असोज । सर्वप्रिय गायक राजेश पायल राईको बहु प्रतिक्षित ‘देम सारो’ गीतको भिडियो सार्वजनिक भएको छ । दर्शन नमस्ते ५ एल्बममा समाबेश हुने यो गीतको अडियो रिलिज अगाबै श्रोताको मनमा बस्न सफल भैसकेको...

लिम्बु भाषाको बालगीत ‘लाबे पम्बम’को अडियो सार्वजनिक

काठमाडौ, ९ असोज । लिम्बू भाषाको बाल गीत ’लाबे पम्बम’ को अडियो सार्वजनिक भएको छ । शनिबार याक्थुङ फिल्मस युट्यूव च्यानलबाट बाल गीत रिलिज भएको हो । बहुप्रतिका धनी सागर केरुङको शब्द रहेको उक्त गीतलाई...

हतासको मनोदशा

दक्षिण पूर्व एशियाको  भू-परिवेष्ठित राष्ट्र नेपाल विश्व राजनैतिक मञ्चमा एकाएक चर्चामा आएको छ । विश्व सक्ती राष्ट्र चीन र भारतको केन्द्रमा रहेको राष्ट्र नेपाल पूर्वी एसियामा मात्र होइन वासिङ्टन, बेइजिङ्ग, ह्वाइट हाउस नयाँ दिल्ली र...

काउन्सिलले पहिलो पटक गर्‍यो अंग्रेजी पुस्तक ‘इयर बुक’ को प्रकाशन

काठमाडौं । प्रेस काउन्सिल नेपालले पहिलो पटक अंग्रेजी वर्ष पुस्तक ‘इयर बुक’ को प्रकाशन गरेको छ । काउन्सिलको ५२ औँ वार्षिकोत्सवका अवसरमा राष्ट्रपति भवन शितल निवासमा बुधबार आयोजित कार्यक्रममा राष्ट्रपति विद्यादेवी भण्डारीले बुक सार्वजनिक गरिन्...