दमक, २७ साउन । संघीय लोकतान्त्रिक राष्ट्रिय मञ्चका दुई नेताहरु पितृ शोकमा परेका छन् । मञ्चका संघीय सह–सचिव तथा लिम्बुवान प्रान्तीय उपमहासचिव लावाहाङ चेम्जोङ् (दिपेन्द्र) र मञ्चका संघीय सचिवालय सदस्य तथा दक्षिण कोरिया प्रवासका अध्यक्ष रुखमान इम्बुङ (रिकम) शोकमा परेका हुन् ।
बि.सं. २०१० सालमा जन्मिएका नेता चेम्जोङ्का पिता अविन्द्र प्रसाद चेम्जोङ्को ६९ बर्षको उमेरमा काठमाडौंस्थित गौतबबुद्ध अस्पतालमा उपचारको क्रममा यहि साउन १५ गते निधन भएको हो । सामाजिक तथा राजनैतिक व्यक्तित्व भएका चेम्जोङ् क्यान्सर रोगबाट ग्रसित थिए । उनी नेपाली कांग्रेसबाट निर्वाचित फाल्गुनन्द वडा नं. ५ का पूर्व वडाध्यक्ष समेत थिए ।
यसैगरी रिकमका पिता बि.सं. २०१२ सालमा पान्थरको नागीमा जन्मिएका पदम ध्वज इम्बुङ्को ६७ बर्षको उमेरमा ललितपुरस्थित पाटन अस्पतालमा निधन भएको थियो । गत साउन २३ गते निधन भएका इम्बुङ्को पार्थिव शरिरलाई आफ्नै जन्मस्थान पान्थर नागीमा अन्त्येष्टी गरिएको थियो ।
Related