३१ श्रावण, काठमाडौँ / निर्वाचन प्रयोजनका लागि राजनीतिक दल दर्ता गर्न निर्वाचन आयोगले दिएको समय आज सकिँदै छ । ४ मंसिरमा तोकिएको प्रतिनिधि र प्रदेशसभा निर्वाचन प्रयोजनका लागि आयोगले दिएको समय आज सकिन लागेको हो ।

सिके राउत नेतृत्वको जनमत पार्टीले १ नम्बरमा राजनीतिक दल दर्ता गरेसँगै आयोगमा दर्ता हुने राजनीतिक दलको संख्या ६२ पुगेको आयोगका प्रवक्ता शालिग्राम शर्मा पौडेलले जानकारी दिए ।

राष्ट्रिय मान्यता प्राप्त दलहरु नेकपा एमाले, नेकपा माओवादी केन्द्रलगायतले आयोगमा दल दर्ता गरे पनि कांग्रेसले अझैसम्म दर्ता नगरेको आयोगले जनाएको छ । राष्ट्रिय मान्यता प्राप्त राजनीतिक दलहहरु मध्ये सत्तारुढ दल नेपाली कांग्रेसले आज दल दर्ताका लागि निवेदन दिने तयारी गरेको छ।

यसरी नै पहिचानवादी दलकाे रूपमा स्थापित संघीय लाेकतान्त्रिक राष्ट्रिय मञ्चले पनि दल दर्ता गरेकाे अध्यक्ष कुमार लिङ्देन मिराकले लिम्बुवान खबरलाइ बताउनु भयाे । मञ्चकाे प्रदेश नं. १ मा एउटा समानुपातिक प्रदेश सदस्य रहेकाे छ । हाल प्रदेश १ काे सरकारमा समेत मञ्च रहेकाे छ ।