कर्मचारीलाई राजनैतिक प्रतिशोधमा हत्वतसाही बनाएको भन्दै ज्ञापन पत्र

,   लिम्बुवान न्युज
                       


छथर, १३ भदौं । छथर गाउँपालिकाको नेकपा एमाले नेतृत्वको स्थानीय सरकार निरंकुश बन्दै गएको भन्दै गठबन्धन दलले छथर गाउँपालिकामा ज्ञापन पत्र बुझाएको छ । स्थानीय निर्वाचन पछि दोश्रो कार्यकालबाट पुनः निर्वाचित भए पश्चात झन् निरंकुश बनेको भन्दै गठबन्धनले यस कार्यप्रति गम्भिर ध्यानाकर्षण भएको भन्दै पालिकाका निमित्त प्रमुख प्रशासकीय अधिकृत गुणराज बाँनिया मार्फत ज्ञापनपत्र बुझाएको हो ।
आशन्न प्रदेश र प्रतिनिधी सभाको निर्वाचन लक्षित गरी कर्मचारी कार्य सम्पादन मुल्याङकन तथा करार अवधि नविकरण फारम भर्ने भराउने नाममा पेशा प्रति समर्पित तथा कानुन प्रति बफादार कर्मचारीहरुलाई सेवाबाट विस्थापित गरेको कार्यप्रति गठबन्धनले ज्ञापनपत्र मार्फत ध्यानाकर्षण गरेको संघीय लिम्बुवान प्रान्तीय मञ्चका नेता दिल पाक्सावाले बताए ।
सामुदायिक बिद्यालयमा कार्यरत अस्थाई, करार, राहत, संघ, प्रदेश तथा स्थानीय तह अनुदान शिक्षक, बाल शिक्षक, माध्यमिक अनुदान शिक्षक, बिद्यालय कर्मचारी साथै बिद्यालय सहयोगीलाई राजनैतिक प्रतिशोधको आधारमा हत्वसाहि बनाएको ज्ञापनपत्रमा उल्लेखे छ । शिक्षक कर्मचारीको विचल्लित मानसिकताका कारण सिर्जित समस्याको समाधान छथर गाउँपालिकाले लिनु पर्ने ज्ञापन पत्रमा जनाइएको छ ।
ज्ञापनपत्रमा नेपाली कांग्रेस, नेकपा माओबादी केन्द्र, नेकपा एकिकृत समाजवादी, राष्ट्रिय जनमोर्चा, जनता समाजबादी पार्टी र संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च छथरले संयुक्त हस्ताक्षर गरेका छन् ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;