दमक, २२ साउन । लिम्बुवान स्वायत्तताको आन्दोलन र बि.सं. १८३१ साउन २२ गते तत्कालिन गोर्खा राज्य र लिम्बुवानबीच भएको नुनपानी सन्धि विषयक अन्तरक्रिया कार्यक्रम गरेको छ । मंगलरबार नेपाल जनमुक्ति पार्टीले झापाको सुरुङ्गामा उक्त कार्यक्रम आयोजना गरेको हो ।

पार्टीका बरिष्ठ नेता सञ्जुहाङ् पालुङवाको प्रमुख आतिथ्यतामा भएको उक्त कार्यक्रममा १८३१ साउन २२ गतेको नुन पानी सन्धि विषय एक कार्यपत्र कार्र्यक्रम प्रस्तुत गरेको थियो । पार्टीका उपमहासचिव विष्णु थाम्देनबाट प्रस्तुत ९ बुँदे कार्यपत्रले साउन २२ गते किन लिम्बुवानले कालो दिन मनाएको र किन यो दिनलाई विशेष दिनको रुपमा लिने गरिन्छ भन्ने प्रष्ट पारेका थिए ।

कार्यक्रममा प्रदेश १ पुनः नामाङकन अभियानका संयोजक तथा इलाम उप निर्वाचनका उम्मेदवार डकेन्द्र सिंह थेगिम, नागरिक उन्मुक्ति पार्टीका सहमहासचिव दिलकुमार लावती, अभियानका महासचिव रामभक्त कुरुम्बाङ्, संघीय लोकतान्त्रिक राष्ट्रिय मञ्चका उपाध्यक्ष ज्ञानुहाङ इम्बुङ, पहिचानवादी मोर्चाका संघीय सदस्य केदार धिमाल, सामाजिक अभियानता टेक खजुम लगायतले मन्तव्य राखेका थिए ।

यस्तै टिप्पणीकारको रुपमा देशु वनेम र एल.बी. पालुङ्वाले मन्तव्य राखेका थिए ।

कार्यक्रम प्रदेश समिति अध्यक्ष पर्शुराम मगरको सभाध्यक्षता, प्रदेश सचिव कृष्ण कुमार थेवेको संचालन र केन्द्रीय उपाध्यक्ष भक्त खेवाङ्को स्वागत मन्तव्य सहित कार्यक्रम सम्पन्न भएको थियो ।