ललितपुर, ३२ साउन । जनता समाजवादी पार्टी (जसपा), नेपालले कोशी नामकरणको विरोधमा आन्दोलन परिचालन समिति गठन गरेको छ ।

पार्टीको केन्द्रीय समितिको बैठकबाट कोशी प्रदेश नामकरणको विरुद्ध आन्दोलन बढाउन पार्टीका केन्द्रीय कार्यकारिणी समिति सदस्य रकम चेम्जोङको संयोजकत्वमा ९ सदस्यीय आन्दोलन परिचालन तथा समन्वय समिति गठन गरिएको हो ।

समितिको सदस्यहरुमा पार्टीका केन्द्रीय सदस्यहरु राजकुमार राई, जयराम यादव, डा. के के राई, लाक्पा शेर्पा, मच्छिन्द्र बेघा, शशी लिङदेन, कुन्ता राई र पार्टीका कोसी प्रदेश समिति अध्यक्ष दीपक याक्खा रहेकाे जनाएकाे छ ।

प्रदेश १ काे नाम काेशी नामाङकन भएपश्चात पहिचानवादीहरूले प्रदेश नं.१ पुनः नामाङकन संयुक्त संघर्ष समिति गठन गरेर प्रदेश १ मा निरन्तर आन्दोलन गरिरहेका छन् भने जसपा, नेपाल संघर्ष समितिकाे १ घटक पनि रहेकाे छ ।