शिवसताक्षीमा धारिलाे हतियार प्रयाेग गरी श्रीमतीकाे हत्याः बुबाले दाउ प्रहार गर्दा छाेरा घाइते

 लिम्बुवान न्युज
                       

दमक, ५ भदाैं । झापाको शिवसताक्षीमा एक जनाले आफ्नै श्रीमतीको हत्या गरेका छन् । मेची नगरमा अर्का एक जनाले छोरामाथि धारिलो हतियार प्रहार गरेर सख्त घाईते बनाएका छन् ।

जिल्ला प्रहरी कार्यालय झापाका अनुसार शिवसताक्षी ८ शिवालय टोलका ४७ बर्षिया ओमप्रकाश अधिकारीले आफ्नै श्रीमती अन्दाजी ३० बर्षिया रञ्जना गौतम अधिकारीको हत्या गरेका हुन् ।

अधिकारीले मंगलबार (आज) साँझ करिब साढे ६ बजे आपसी विवादमा श्रीमती रञ्जनामाथी खुकुरी प्रहार गर्दा उनको घट्नास्थलमै मृत्यु भएको जिल्ला प्रहरी कार्यालय झापाका प्रवक्ता डीएसपी कृष्ण चन्दले जनाएका छन् ।

इलाका प्रहरी कार्यालय झिलझिलेबाट खटिएको प्रहरी टोलीले हत्या आरोपी अधिकारीलाई तत्कालै पक्राउ गरेको जनाइएको छ ।

त्यसैगरी अन्दाजी साँझ ७ बजे मेचीनगर ३ दोकानडाँडाका ५७ बर्षिय पुण्यप्रसाद दाहालले ३० बर्षिय छोरा डिल्लीराम दाहालमाथि धारिलो दाउ प्रहार गरेर घाईते बनाएका हुन् । घाईते छोराको स्थानीय मेडिकलमा उपचार भइरहेको प्रहरीले जनाएको छ ।

सम्बन्धित समाचार

काङसोरे पुरस्कार स्व. इमानसिङ् चेम्जोङ्लाई

ललितपुर, २१ असार । लिम्बुवान नागरिक समाज यूकेले तिन बर्षमा प्रदान गर्दै आईरहेको काङ्सोरे पुरस्कार इतिहासकार, साहित्यकार, भाषाविद् स्व इमानसिंह चेम्जोङलाई प्रदान गरेको छ । यस वर्ष स्व.चेम्जोङलाई मरणोपरान्त पुरस्कार प्रदान गरिएको हो । शनिवार...

फक्ताङलुङ सांस्कृतिक मञ्चको अध्यक्षमा मोहन मादेन निर्वाचित

ललितपुर, २१ असार । फक्ताङलुङ सांस्कृतिक मञ्चको पाँचौं राष्ट्रिय महाधिवेशन सम्पन्न भएको छ । ललितपुरस्थित किरात याक्थुङ चुम्लुङको संघीय कार्यालयमा शनिबार मोहन मादेनको अध्यक्षतामा नयाँ कार्य समिति चयन गठन भएको हो । नेपाल प्रज्ञा प्रतिष्ठानका...

लिम्बु भाषाकाे लघु चलचित्र ‘तङ्सिङ्’ को छायांकन  सम्पन्न

ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन  सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...

राष्ट्रिय झण्डा र त्रिशुल लडाएको प्रति पत्रकार सम्मेलन गरेर आपत्तिः कारबाहीको माग

दमक, १५ असार ।  मोरङको पथरीशनिश्चरे—१० स्थित किरात युमा माङहिमले धार्मिक आस्थाको लागि राखिएको त्रिशुल र नेपालको राष्ट्रिय झण्डा लडाउनेहरुको खोजी गरेर कारबाहीको माग गर्दै शनिबार पत्रकार सम्मेलनको आयोजना गरेरै आक्रोश व्यक्त गरेका छन् ।...