ललितपुर, १२ भदाैं । लिम्बू चलचित्रकर्मीहरुका लागि एक दिने ‘क्षमता अभिवृद्वि तालिम’ सम्पन्न भएको छ | बुधबार ललितपुरस्थित तिखेदेव कियाचू भवनमा रहेकाे याक्थुङ मुन्चइत् चोक सयङको संघीय कार्यालय मा सम्पन्न भएको हो |

याक्थुङ मुन्चइत् चोक सयङ संघीय कार्यसमितिको आयोजनामा सम्पन्न तालिममा वरिष्ठ चलचित्र निर्देशक नविन सुब्बाद्वारा ‘How to Tell Our Story ?’ बारेमा प्रशिक्षण दिएका थिए ।

यस्तै आदिवासी जनजाति उत्थान राष्ट्रिय प्रतिष्ठानका अधिकृत राम मादेनद्वारा  ‘Yakthung Perspective on Ancestral Land’, बारे प्रशिक्षण दिएका छन् भने मुन्धुम ज्ञाता यासेली योङहाङद्वारा ‘मुन्धुममा अभिनयकलाको तत्वहरु’, यसरी नै एबिसी टेलिभिजनका पत्रकार अर्जुन मादेनद्वारा ‘How to address the public?’ बारेमा क्षमता अभिवृद्धि तालिम दिएका छन्।

२०३८ साल देखि २०४९ साल सम्म लिम्बू भाषा शिक्षण गरेका शिक्षक थाकुहाङ मेरीङद्वारा ‘स्वर वर्ण, व्यञ्जन वर्ण र बाह्रखरी’ को बारेमा तालिम दिइएको चाेक सयङका संघीय अध्यक्ष सागर केरुङले बताए |

उक्त तालिममा ३० भन्दा धेरै याक्थुङ कलाकारहरूले तालिम लिएकाे सयङले जनाएकाे छ ।