प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ ।

किराँत याक्थुङ चुम्लुङका संघीय उपाध्यक्ष निरन्ति तुम्बापोको प्रमुख आतिथ्यतामा अधिवेशन सम्पन्न भएको थियो । अधिवेशनमा सम्बोधन गर्दै उपाध्यक्ष तुम्बापोले प्रवासमा रहेका याक्थुङ (लिम्बू) समुदायबीच संगठनात्मक एकता, भाषा, संस्कृति तथा पहिचानको संरक्षण र प्रवद्र्धनका लागि सबै सदस्य सक्रिय हुनुपर्नेमा जोड दिनुभयो । साथै नयाँ पुस्तामा आफ्ना भाषा, संस्कार तथा सांस्कृतिक मूल्य–मान्यता हस्तान्तरण गर्नु आजको प्रमुख आवश्यकता भएको उल्लेख गर्नुभयो।

अधिवेशनले सर्वसम्मत रूपमा नयाँ कार्यसमिति चयन गरेको छ । हरि वाजी लिम्बुको अध्यक्षतामा गठित समितमा उपाध्यक्षहरू वीरू आङबोहाङ, शंकर बेघा, सागर तुम्बापो, गंगा बेघा, सचिवमा ज्वाला योङहाङ, सहसचिवमा लक्ष्मी सवेहाङ र कोषाध्यक्षमा जमुना मादेन निर्वाचित गरेको छ ।
यसैगरी समितिको सल्लाहकारहरूमा हेमराज योङहाङ र राजेन्द्र खापुङ रहेका छन् भने सदस्यहरूमा दिपेन चोङवाङ, सानु यक्तेन, सुरज इजम, सुनील चेम्जोङ्ग,मोहन फागो,सञ्जीव लिङ्देन,मिलन बेघा, योगेन्द्र लिम्बु,फुलमाया केरुङ, अर्जुन लावती,नीर प्रसाद नेम्वाङ्ग, तृर्वत थेबे, लोकेन सेर्मा र माया लिम्बु रहेका छन् ।
माया लिम्बु

कार्यक्रममा विविध सांस्कृतिक प्रस्तुतिहरू प्रस्तुत गरिनुका साथै गैरआवासीय नेपाली संघ ९ल्च्ल्ब्० मलेसियाका उपाध्यक्ष दिल केरुङ लिम्बु लगायत विभिन्न सामाजिक तथा सामुदायिक व्यक्तित्वहरूले शुभकामना मन्तव्य व्यक्त गरेका थिए।

अधिवेशनमा सहभागीहरूले नवनिर्वाचित कार्यसमितिलाई सफल कार्यकालको शुभकामना व्यक्त गर्दै संगठनलाई अझ सशक्त, प्रभावकारी र समुदायमुखी बनाउँदै भाषा, संस्कृति तथा पहिचान संरक्षणमा सक्रिय भूमिका निर्वाह गर्ने प्रतिबद्धता जनाएका छन्।