रमिते, मिक्लाजोङ, २४ साउन । नेपाल प्याराग्लाईडिङ्ग तथा ह्याङग्लाईडि संघ मोरङ जिल्ला समिति गठन भएको छ । आइतबार मोरङको मिक्लाजोङ रमितेमा आयोजित समिति गठन सम्बन्धी भेलाले मिक्लाजोङका उमेश राईको अध्यक्षतामा नौं सदस्यीय समिति गठन गरिएको हो ।

जिल्ला खेलकुद विकास समिति मोरङका अध्यक्ष इन्द्रकुमार योञ्जन तामाङ्को प्रमुख आतिथ्यतामा आयोजित उक्त कार्यक्रमबाट उपाध्यक्षमा महेन्द्र मगर (केराबारी), सचिव महेनश्वोर राई (लेटाङ्), सहसचिव सागर राई (मिक्लाजोङ) र कोषाध्यक्षमा सुजता राई (मिक्लाजोङ) रहेका छन् । यसैगरी सदस्यहरुमा गणेशकुमार मिभक, भिम बहादुर चेम्जोङ, हर्क बहादुर लिम्बु र गोपाल नेपाली निर्वाचित भएका छन् ।

कार्यक्रममा प्याराग्लाईडिङ्ग तथा ह्याङग्लाईडिङ्ग संघका अध्यक्ष भुपेन्द्र चाम्लीङ राईको उपस्थिति रहेको थियो । उनले यस खेल बारे र मोरङ् जिल्लाका विभिन्न सम्भाव्य स्थानहरुको बारेमा प्रष्ट पारेका थिए ।

कार्यक्रममा प्रमुख अतिथि तामाङले यो प्याराग्लाडिङ्ग खेल शहासिक खेल भएको साथै मोरङ जिल्लाका केराबारी, लेटाङ र मिक्लाजोङको पहाडि क्षेत्रमा पर्यटन प्रवद्र्धनका साथै शहासिक खेलका लागि आन्तरिक तथा बाह्य पर्यटकका साथै अन्तराष्ट्रिय स्तरमा यस क्षेत्रलाई चिनाउन यो खेलको माध्यमबाट सम्भावना प्रचुर रहेको हुँदा प्याराग्लाडिङ्ग एउटा यस क्षेत्रको लागि नौलो खेल बन्न सक्ने बताए ।

यस्तै कार्यक्रममा सामाजिक तथा राजनैतिक व्यक्तित्वहरु अशोक चेम्जोङ, प्रेम मिभक तथा मोरङ जिल्ला कराते प्रशिक्षक कुन्ती गुरुङ लगायतले कार्यक्रमबाट निर्वाचित समितिलाई बधाई तथा शुभकामना मन्तव्य राख्दै यस क्षेत्रको पर्यटन प्रवद्र्धनमा थप मद्दत पुग्ने भएको हुँदा चाडैं सम्भाव्यता अध्ययन गरेर शुरु गर्न समेत अनुरोध गरेका थिए ।