ललितपुर। लिम्बु जातीहरुको एक मात्र जातीय संस्था किरात याक्थुङ् चुम्लुङ्को स्थापना २०४६ साल बहुदल पछि भएको हो । आज ३१ बर्ष पुरा भई ३२ बर्षमा प्रवेश गरेको अवसरमा शुभकामना आदनप्रदान कार्यक्रम जुम मार्फत सम्पन्न भएको छ ।

कोरोना भाइरस (कोभिड–१९) को महामारीका संसार नै त्राहिमाम भईरहेको बाबजुद पनि आज सामाजिक संजाल जुम मार्फत नेपाल आदिवासी जनजाति महासंघ, विभिन्न जातीय संघ संस्थाहरु, लिम्बुवान जन्य राजनैतिक दल लगायतका प्रमुख तथा प्रतिनिधिहरुसँग जुम मार्फत शुभकामना आदनप्रदान कार्यक्रम सम्पन्न भएको हो ।

साथै, यस स्थापना दिवसको अवसरमा लिम्बु सांस्कृतिक परिषदले “मुन्धुम पाः नघङ थिम्बे” विषय भर्चुअल अन्तरक्रिया कार्यक्रम पनि गरेको छ । त्यसैगरी लिम्बुवान स्टडी सेन्टरको आयोजनामा “Ph. D. Thesis title Examine Ancestral lands and customary Institution of the Yakthung (limbu) Indigenous people’s” विषयक भर्चुअल अन्तरक्रिया डा. कमल तिगेलाले प्रस्तुत गर्नुभएको छ ।

कार्यक्रम चुम्लुङ् अध्यक्ष योगराज वनेमको अध्यक्षतामा र महासचिव निरन्ती तुम्बापोकाे संचालन सम्पन्न भएकाे छ ।