तेह्रथुम। संघीय लिम्बुवान मञ्च, नेपाल फेदाप गाउँपालिका समितिले सबै वार्डहरुमा संगठनलाई शसक्त बनाउँदै आगामी स्थानीय, प्रदेश र संघीय चुनावमा संगठनलाई पहिलो दलको रुपमा स्थापित गर्ने जनाएको छ ।

आज गाउँपालिकाको पोक्लाबाङ् स्थित पार्टी कार्यालयमा बसेको तेस्रो मासिक बैठकमा सो निर्णय गरेको हो ।

प्रत्येक महिनाको अन्तिमि शनिबार नियमित बैठक बस्ने निर्णय गरेसँगै आज तेस्रो नियमित बैठक बसेको हो । फेदाप गाउँपालिकाका पाँच साविक सम्दु, इसेबुङ्, सिम्ले, जलजले र ओयाक्जुङ गाबिसहरुको समायोजनमा ५ वटा वार्डहरु बनेका छन् भने ४५ वटा साबिक वडाहरु   छन् । अहिले पाँचै वडामा मञ्चको संगठन विस्तार भईसकेको छ भने केहिमा टोल समितिहरु समेत विस्तार भएको विद्यार्थी नेता सेसेहाङ् चोङ्बाङ्ले बताएका छन् ।

आज बसेको बैठकले अन्य गठन गर्न बाँकी टोलहरुमा संगठन विस्तार गर्ने, राजनैतिक प्रशिक्षण गर्ने साथै तेह्रथुम जिल्ला कार्य समितिले आगामी बर्ष प्रकाशन गर्न लागेको स्मारिका प्रकाशनको लागि आर्थिक सहयोग प्रदान गर्ने निर्णय गरेको छ ।

बैठकले तेह्रथुम जिल्लाबाट प्रकाशन हुन लागेकोमा खुशि व्यक्त गर्दै आर्थिक सहयोग समेत गर्ने निर्णय गरेकोछ । बैठकमा मञ्चका केन्द्रीय सचिवालय सदस्य सेसेहाङ् चोङ्बाङ्, जिल्ला अध्यक्ष बिजय निङ्लेकु लगायत अन्य जिल्ला नेताहरुको समेत उपस्थिति रहेको थियो ।