१ नं. प्रदेशमा थप ४६ जनामा काेराेना संक्रमण

 लिम्बुवान खबर
                       

झापा। १ नं. प्रदेशमा पछिल्लो २४ घण्टामा कोरोना भाइरसका ४६ जना नयाँ संक्रमित थपिएका छन् । नयाँ थपिएका संक्रमितमा विराटनगर सहित मोरङका ४१, खोटाङ, उदयपुर र झापा १/१, प्रदेश बाहिरका दुई जना रहेका छन् । प्रदेशमा पाँच सय ४७ जनाको पीसीआर परीक्षण हुँदा २० महिला र २६ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

भेटिएका संक्रमितमा सबैभन्दा बढी विराटनगरमा १८ महिला र २० पुरुष गरेर ३८ जनाको रिपोर्ट पोजेटिभ आएको मन्त्रालयले जनाएको छ । विराटनगर कोरोना संक्रमणबाट १ नं. प्रदेशमा सबैभन्दा बढी प्रभावित स्थानीय तह हो । विराटनगरमा हालसम्म संक्रमित संख्या एक हजार चार सय दुई जना पुगेको छ । १७ जना संक्रमितले ज्यान गुमाइसकेका छन् ।
विराटनगरबाहेक मोरङको धनपालथानमा दुई र कटहरीमा एक पुरुषको रिपोर्ट पोजेटिभ आएको छ । खोटाङको साकेला गाउँपालिकामा एक पुरुष, उदयपुरको स्थानीय तह नखुलेका एक पुरुष, झापाको शिवसताक्षीकी एक महिला र प्रदेश बाहिरका एक महिला तथा एक पुरुषमा कोरोना देखिएको जानकारी मन्त्रालयले दिएको छ ।
१ नं. प्रदेशमा हालसम्म कोरोना संक्रमितको संख्या चार हजार सात सय ४२ पुगेको छ ।अहिलेसम्म एक लाख सात हजार पाँच सय ३३ जनाको पीसीआर परीक्षण हुँदा एक लाख दुई हजार सात सय ९१ जनाको रिपोर्ट नेगेटिभ आएको मन्त्रालयले जनाएको छ ।

१ नं. प्रदेशमा उपचारपछि निको भएर आइतबार सात जना डिस्चार्ज भएका छन् । उनीहरु सबै मेची अस्पताल झापाबाट डिस्चार्ज भएका हुन् । प्रदेशमा हालसम्म डिस्चार्ज हुनेको संख्या दुई हजार ६३ पुगेको सामाजिक विकास मन्त्रालयले जनाएकाे छ ।

सम्बन्धित समाचार

दमक कृष्णमन्दिरमा निःशुल्क स्वास्थ्य शिविर सम्पन्न

दमक, ३१ वैशाख । झापाकाे दमक–४ स्थित कृष्ण मन्दिर परिसरमा विद्यालक्ष्मी एजुकेसन फाउन्डेसनको आयोजनामा तथा नेपाल आयुर्वेद स्वास्थ्यकर्मी समाजको सहकार्यमा एक दिने निशुल्क स्वास्थ्य प्रवर्द्धन शिविर सम्पन्न भएको छ। “मेरो स्वास्थ्य, मेरो जिम्मेवारी” भन्ने नारासहित ...

तेस्रो माइजोगमाई अध्यक्ष कपको उपाधि माङ्सेबुङलाई

दमक, ३१ वैशाख । माङ्सेबुङ गाउँपालिकाले तेस्रो माइजोगमाई अध्यक्ष कप अन्तरपालिका आमन्त्रित पुरुष फुटबल प्रतियोगिताको उपाधि जितेको छ ।  बुधबार सम्पन्न फाइनल खेलमा देउमाई नगरपालिकालाई टाइब्रेकरमा ४–१ गोल अन्तरले पराजित गर्दै माङसेबुङ च्याम्पियन बनेको हो । निर्धारित समय १–१ गोलको बराबरी पछि खेल टाइब्रेकरमा पुगेको थियो । दोस्रो हाफको ७औं मिनेटमा माङसेबुङका आशाङ लिम्बूले गोल गर्दै टिमलाई सुरुवाती अग्रता दिलाएका थिए । एक गोलले पछि परेको देउमाई २५औं मिनेटमा किरण...

निशुल्क १ महिने पेटानि (बाेन्हा) बुन्ने तालिमकाे समापन

अजित धिमाल उर्लावारी, ३१ वैशाख/ धिमाल जातीय विकास केन्द्र, केन्द्रीय समितिकाे आयाेजनामा भएकाे निशुल्क १ महिने पेटानि (बाेन्हा) बुन्ने तालिम सम्पन्न भएको छ । धिमाल परियाेजना स्थल, उर्लाबारी-३, मंगलबारेमा आज एक कार्यक्रमकाे आयाेजना गरि तालिम...

माेर्चालाई सशक्त बनाउन माेरङ जिल्ला स्तरिय अभियान सन्चालन हुने

बेलबारी, ३० वैशाख / संयुक्त पहिचानवादी माेर्चालाई सशक्त बनाउन माेरङ जिल्ला स्तरिय अभियान सन्चालन हुने भएकाे छ । पहिचानवादी माेर्चा, जिल्ला संयाेजन समिति, माेरङकाे साेमबार बेलबारीमा बसेकाे बैठकले माेर्चालाई सशक्त बनाउन संगठन बिस्तार, अन्तरकृया, भेटघाटलाई...