पाँचथर। वि.स. २०७२ असोज ३ गते नेपाल सरकारले जारी गरेको संविधान लाई पान्थरको विभिन्न राजनीतिक दलका पार्टीहरु ले विभेदकारी संविधान, पहिचान विरोधी संविधान भनेर संयुक्त प्रेस विज्ञप्ति मार्फत सम्पूर्ण पान्थरवासिहरुमा सुचिकृत गरेका छन्।

संविधान संशोधन गरि पहिचान सहितको १०+१ प्रान्तको माग गर्दै जनता समाजवादी पार्टी जिल्ला समन्वय समिती पान्थर, सलोराम संघीय लिम्बुवान मञ्च जिल्ला कार्य समिति पान्थर, संघीय लिम्बुवान पार्टी जिल्ला कार्य समिती पान्थर र राष्ट्रिय जनमुक्ति पार्टी जिल्ला कार्य समिती पान्थरद्वारा सयुक्त प्रेस विज्ञप्ति जारी गरिएको छ।

संविधान घोषणा भए देखि नै विभिन्न पहिचान सहितको राजनीतिक पार्टी आबद्ध दलहरुले असन्तुष्टि र विरोध जनाउँदै आएका छन्।संविधानमा रहेका विभेदकारी र त्रुटिपूर्ण प्रावधानहरू लाई सच्याउन र मधेशी, आदिवासी जनजाति, दलित, महिला, मुस्लिम लगायतको मुद्दा सम्बोधन गर्न नसकेको भन्दै असोज ३ गतेलाई कालो दिनको रुपमा विरोध गर्दै आएका छन्।