दमक। झापाको दमकमा सुविधा सम्पन्न सरकारी अस्पताल बन्ने भएको छ ।

दमक १ मा रहेको दमक अस्पताल जिर्ण अवस्थामा रहेको हुँदा सम्पूर्ण संरचना भत्काई सुविधा सम्पन्न भवन बन्ने भएको हो । अब नयाँ भवन बनेपछि त्यहाँका पुराना संरचना भत्काउने काम सम्पन्न भएको छ । २०४५ सालमा बनेको हेल्थपोस्ट जिर्ण अवस्थामा रहेको थियो ।

नगरपालिकाले आधुनिक भवनको डिपिआर गरी करिब २१ करोड लागतमा ठेक्का लागेको उक्त भवन आगामी २ बर्ष भित्रमा निर्माण सम्पन्न हुने दमक नगर उपमेयर गीता अधिकारीले बताइन् ।

अब बन्ने नयाँ अस्पताल ५० शैयाको हुने बताइएको छ । यस अस्पतालबाट फिजिसियन, छाला रोग, हाडजोर्नी, विभिन्न प्रकारको शल्यक्रिया सेवा सहितको विशेष सेवाहरु उपलब्ध हुने अस्पतालका मेडिकल सुपरिटेण्डेन्ट डा. खड्क लिम्बु बताएका छन् ।