मोरङ, २३ भदौं । मोरङकाे बेलबारीमा लागूऔषध गाँजा कारोबार गर्ने ३ जनालाई प्रहरीले पक्राउ गरेको छ । मंगलबार साँझा ५ बजे प्रहरीले गाँजा सहित उनीहरुलाई पक्राउ गरेको हो ।
पक्राउ पर्नेमा मोरङ बेलबारी नगरपालिका १ का ३५ बर्षीय सन्तोष राई, ३० बर्षीय ज्ञानु राज राई र धनकुटा शहीद भुमि गाऊपालिका ३ का २८ बर्षीय महेश्वर राई रहेका छन् । प्रहरी टोलीले उनीहरुलाई साथबाट १९ केजी ६५० ग्राम गाँजा सहित पक्राउ गरेको जनाएको छ ।
गाँजा बिक्रि बितरण गरिरहेको भन्ने बिशेष सुचनाको आधारमा ईलाका प्रहरी कार्यालय बेलबारीबाट खटिएको प्रहरीले सन्तोषको घरकोठाबाट ४ केजी ६५० ग्राम र ज्ञानुको घरकोठाबाट १५ केजी गाँजा बरामद गरे हो ।
पक्राउ परेका उनिहरुलाई अनुसन्धान गर्ने क्रममा सो गाँजा महेश्वरबाट खरिद गरेको भन्ने खुल्न आएसँगै प्रहरीले महेश्वर समेत ३ जनालाई पक्राउ गरेको थियो । पक्राउ परेका तिनै जना उपर थप इलाका प्रहरी कार्यालय बेलबारीमा राखी थप अनुसन्धान भईरहेको जिल्ला प्रहरी कार्यालय मोरङ्ले जनाएको छ ।
Related