फाकफोकथुम । नेपाली कांग्रेसको १४औं महाधिवेशनको रौनक यतिबेला गाउँगाउँमा पुगेको छ । इलामको फाकफोकथुम गाउँपालिकाका युवा व्यवसायी नरेन्द्र थापाले फाकफोकथुमको सचिव पदमा उम्मेद्वारी घोषणा गरेका छन् ।

देशव्यापी रुपमा आगामी भदौं २७ गते सम्पन्न हुने नगर र गाउँपालिका अधिवेशनमा फाकफोकथुम गाउँपालिकाको सचिव पदमा थापाले उम्मेद्वारी घोषणा गरेका हुन् ।

सचिवका प्रत्यासी थापा १२ र १३औं महाधिवेशनमा फाकफोकथुम ४ को वडासचिवमा दुई कार्यकाल निर्वाचित भई कुसलतापूर्व जिम्मेवारी वहन गरेका थिए । विभिन्न सामाजिक संघसंस्थामा समेत उत्तिकै क्रियासिल थापा हाल सिंहदेवी माध्यमिक विद्यालय फुएतप्पाका विद्यालय व्यवस्थापन समिति सदस्य समेत रहेका छन् ।

नेपाली कांग्रेस फाकफोकथुममा त्रिपक्षीय भिडन्त हुने देखिएको छ । थापाले अध्यक्षका प्रत्यासी डिकबहादुर थापाको समूहबाट उम्मेद्वारी घोषणा गरेका छन् । सभापति पदका प्रत्यासी डिकबहादुर थापको समूहबाट उपसभापतिमा कमानसिङ लिम्बु र सुबास राई, सचिवमा नरेन्द्र थापा, सह–सचिव घनश्याम चम्लागाई त्यसैगरी सदस्यहरुमा सदस्य सुक्रराज थेगिम, सीता बराइली, रुपा तामाङ लगायत नेताहरुले उम्मेद्वारी घोषणा गरेका छन् ।

त्यसैगरी सभापतिका प्रत्यासी टेकबीर नेम्बाङ् र अर्का प्रत्यासीले अहिले नै आफ्नो प्यानल घोषणा गरेका छैनन् । यद्यपी उनीहरुपनि चुनावी मैदानमा उत्रिएको स्रोतले बताएको छ ।

नेपाली कांग्रेस फाकफोकथुम गाउँपालिकाबाट १७४ जना क्षेत्रीय प्रतिनिधिमा निर्वाचित भएका छन् ।