लिम्बुवानखबर । नवनियुक्त प्रधानसेनापति प्रभुराम शर्माले आजबाट आफ्नो पदभार ग्रहण गरेका छन् । बिहीबार राष्ट्र्पति भवन शीतलनिवासमा आयोजित विशेष समारोहमा शर्माले औपचारिक रुपमा शपथ लिएका छन् ।
राष्ट्रपति विद्यादेवी भण्डारीबाट नेपाली सेना महारथीको दर्ज्यानी चिन्ह पाएका शर्माले बिहीबारदेखि सेनाको औपचारिक नेतृत्व सम्हालेका हुन् ।
शर्मा नेपालको प्रमुख सुरक्षा अंग नेपाली सेनाको ४४औं प्रधानसेनापति बनेका हुन् । यसअघि साउन २४ गते शर्मा कायमुकायम प्रधानसेनापति बनेका थिए । प्रधानसेनापतिको कार्यकाल ३ वर्ष हुने प्रवाधान रहेको छ ।
नेपालमा हरेक ३ वर्षमा भदौ २४ गते नेपाली सेनाको नेतृत्व फेरिन्छ परम्परा रहेको छ । त्यसैगरी आफ्नो कार्यकाल सकिनु एक महिना अगाडि प्रधानसेनापति विदामा बिस्ने चलन रहेकोछ ।
नव नियुक्त प्रधानसेनापति शर्माले अब तीन वर्ष नेपाली सेनाको नेतृत्व गर्नेछन् ।
समारोहमा प्रधानमन्त्री एवं रक्षामन्त्री शेर बहादुर देउवा, प्रधानन्यायाधीश चोलेन्द्रशम्शेर राणा, सभामुख अग्निप्रसाद सापकोटा र राष्ट्रिय सभा अध्यक्ष गणेशप्रसाद तिमिस्लिनाको उपस्थिति रहेको थियो ।
एक महिना विदामा बसेका यसअघिका प्रधानसेनापति पूर्णचन्द्र थापाको तीन बर्षे कार्यकाल आजै सकिएको छ ।
Related