लिम्बुवानखबर, ३० भदौं। राष्ट्रिय परीक्षा बोर्डले संचालन गर्ने कक्षा १२ को परीक्षा आजदेखि शुरु भएको छ । बोर्डले सञ्चालन गर्ने परीक्षा विहान ११ बजे देखि शुरु हुने छ । परीक्षा आगामी असोज ८ गतेसम्ममा सक्ने बोर्डले जनाएको छ ।

दोस्रो चरणको कोरोना संक्रमणका कारण यसअघि बोर्डले दुई पटक जेठ २६ देखि असार ४ गतेसम्म र साउन ३१ देखि भदौ ९ गतेसम्म हुने भनिएको परीक्षा स्थगित गरकेो थियो ।

पौने चार लाख विद्यार्थीले १२ कक्षाको परीक्षा फाराम भरेको परीक्षा नियन्त्रण कार्यलयले जनाएको छ । बोर्डले देशव्यापी रुपमा होम सेन्टर तोकेर देशभरका चार हजार तीन सय १५ परीक्षा केन्द्रमा परीक्षा सञ्चालन गर्ने जनाएको छ ।

कोरोना संक्रमितलाई पछि परीक्षा दिने व्यवस्था भएको बोर्डले जनाएको छ । बोर्डका अनुसार नियमित परीक्षा सकिएपछि संक्रमित विद्यार्थीको लागि अर्को सूचना जारी गरिने बोर्डले जनाएको हो ।

परीक्षा केन्द्रमा स्वास्थ्यसम्बन्धी सबै मापदण्ड अपनाउन वोर्डले निर्देशन दिएको छ । माक्स, सेनिटाइर र भौतिक दुरी अनिवार्य कायम गरेर मात्र परीक्षा लिन भनेको हो ।

यसैगरी इन्टरनेटको पहुँच भएको स्थानमा परीक्षा शुरु हुन आधा घन्टा अघि मात्रै प्रश्नपत्र पठाइने छ भने इन्टरनेटको पहुँच भएको स्थानमा परीक्षा शुरु हुन आधा घन्टा अघि मात्रै इमेलमार्फत प्रश्नपत्र पठाउने तयारी बोर्डले गरेको छ ।

इन्टरनेट नपुगेका १ सय १३ केन्द्रमाभने प्रश्नपत्र पठाइ सकिएको बोर्डले सूचना जारी गरेको छ ।

परीक्षा कार्यतालिका हेर्नुहोस्ः