लिम्बुवानखबर, ३० भदौं । नेपाल सरकार गृह मन्त्रालयले १२ जिल्लाका प्रमुख जिल्ला अधिकारीहरुलाई काजमा सरुवा गरेको जनाएको छ । आज (बुधबार) गृहमन्त्री बालकृष्ण खाँणले मन्त्रीस्तरीय निर्णयबाट प्रमुख जिल्ला अधिकारीहरुको सरुवा गरेका हुन् ।

आज गरिएका सरुवा अन्तर्गत ललितपुरका सीडीओ ढुण्डीराज निरौला गृह मन्त्रालयमा सरुवा गरिएको छ भने उनको स्थानमा सहसचिव घनश्याम उपाध्यायलाई जिम्मेवारी दिइएको छ ।

यस्तैगरी गुल्मीकी सीडीओ रुद्रादेवी शर्मा भक्तपुर जिल्लामा सरुवा भएकी छन् भने गुल्मीमा सहसचिव पुण्यबिक्रम पौडेल पठाईएको छ ।

मोरङ् जिल्लाका सीडीओ कोषहरी निरौलालाई मन्त्रालयमा सरुवा आएका छन् भने मोरङ्मा सहसचिव काशीराज दाहाल सीडीओ बनेका छन् ।

बाह्र मध्ये एक मात्र आदिवासी जनजाति सिडिओको रुपमा रुपन्देहीका प्रमुख जिल्ला अधिकारी आस्मान तामाङ चितवनमा सरुवा भएका छन् । उनले जिल्ला कमाण्ड सम्हालेको रुपन्देहीमा गृह मन्त्रालयका सहसचिव ऋषिराम तिवारी मन्त्रालयले पठाएको छ ।

पूर्व प्रधानमन्त्री बाबुरामको जिल्ला गोरखामा शंकरहरि आचार्य सिडिओ बनेका छन् । त्यसैगरी रामेछाप जिल्लामा दीपककुमार पहाडी र पूर्वी पहाडि जिल्ला संखुवासभामा नुरहरि खतिवडाले प्रमुख जिल्ला अधिकारीको रुपमा जिम्मेवारी लिएका छन् । संखुवासभाका सीडीओ टेकनारायण पौडेल गृह मन्त्रालयमा सरुवा गरिएको मन्त्रालयले जनाएको छ ।

यसैगरी दोलखा जिल्ला सिडीओमा टेकराज निरौला नियुक्त भएका छन् भने दोलखामा कमाण्ड सम्हालि रहेका सिडिओ बासुदेव घिमिरेलाई भने मन्त्रालयमा सरुवा गरिएको छ । त्यस्तैगरी धादिङको सिडिओमा कृष्णप्रसाद लम्साल बनेका छन् भने उदयपुर जिल्लामा बाह्र मध्ये एकमात्र मधेशी मुलका सिडिओ बनेर वीरेन्द्रप्रसाद यादव जाने भएका छन् ।

मन्त्रालयद्वारा जारी विवरणः