दमक, ३१ भदौ/ निजी तथा आवासीय बिद्यालय अर्गनाइजेसन नेपाल(प्याव्सन) दमक नगर समितिको अध्यक्षमा पुनः जनार्दन मैनाली निर्वाचित भएका छन् । निर्वाचित मैनाली तेश्रो कार्यकालका लागि पुनः अध्यक्षमा चुनिएका हुन् ।

यस्तैगरी सर्वसम्मत रुपमा भएको समितिमा उपाध्यक्ष सन्तोष दाहाल, सचिव नविन योगी, कोषाध्यक्षमा सुर्यबहादुर कटवाल चुनिएकाछन् भने सदस्यहरुमा क्रमशः प्रविण पाठक, एजिला सिटौला र मित्र खत्री चयन भएका छन् ।

यसरी नै आगाभी राष्ट्रिय महाधिवेशन प्रतिनिधिको रुपमा प्रेम ओझा, समिर घिमिरे र डिल्ली न्यौपानेलाई चयन गरिएको जनाईएको छ । प्रतिवद्धता मन्तव्य राख्दै नवनिर्वाचित अध्यक्ष मैनालीले सबैले आफुलाई सर्वसम्मत रुपमा निर्वाचित गराउनु भएकोमा आभार प्रकट गर्दै दमकमा प्याप्सनलाई अझ दर्बिलो र रचनात्मक बनाउनका लागि लाग्ने प्रतिबद्धता जनाएका छन् ।