दमक, १ असोज । करिब दुई दशक देखि दमकमा स्थापित दमक स्रष्टा छापाखानाले आज विश्वकर्मा पूजा मनाएको छ । २०५८ सालमा दमक ८ मा यो छापाखाना स्थापना भएको थियो । हाल दमक ६ मा रहेको यो छापाखाना दमक कै नमूना छापाखाना पनि हो ।

भूटान सरकारबाट खेदिएका नेपाली भाषी मध्येका एक याम थुलुङ् दमकका चिरपरिचित व्यक्तित्व हुन् । विशेष गरेर साहित्यमा बढी समय व्यतित गर्नुहुने थुलुङ्ले यो पेशा अंगाल्नु भएको पनि दुई दशक पार गरिसकेका छन् । सामान्य स्कृन प्रिन्टबाट शुरु भएको दमक स्रष्टामा हाल करिब १ करोड लगानी भई सकेको थुलुङ् बताउँछन् ।

विभिन्न आरोह अवरोहहरुसँग खेल्दै जुध्दै यहाँसम्म आइ पुगेका थुलुङ्को छापाखानामा झापा, मोरङ्, इलाम र पाँचथरबाट प्रकाशन गर्न आउने गरेको उनी बताउँछन् । एक दर्जन युवाहरुलाई रोजगारी दिईरहेका थुलुङ्ले असोज १ गते मनाईने विश्व कर्मपुजाका दिन सदाको बर्ष झै यो बर्ष पनि दमक स्रष्टा छापाखानाले धुमधाम मनाएको छ ।

हसिलो मुहारका मेहनेती थुलुङ्को व्यवसायिक यात्रा निरन्तर अघि बढोस् शुभकामना ।