किरात धर्मगुरु आत्मानन्द प्रवल जनसेवाश्रीद्वारा विभूषित

 लिम्बुवान न्युज
                       

दमक, ३ असोज/किरात धर्मगुरु आत्मानन्द लिङदेन ‘सेइङ्’ राज्यद्धारा प्रदान हुने प्रसिद्ध प्रवल जनसेवाश्रीबाट विभूषित हुनु भएको छ ।

राष्ट्रका लागि महत्वपूर्ण योगदान गर्ने व्यक्तित्वहरुलाई नेपाल सरकारले प्रदान गर्ने विभूषण, अलङ्कार र पदक वितरण गर्ने क्रममा यस वर्ष किरात धर्मगुरु मुहिङगुम अङसीमाङ लिङ्देन आत्मानन्द सेइङलाई प्रसिद्ध प्रवल जनसेवाश्री प्रदान गरिएको हो ।

संविधान दिवसको अवसरमा नेपाल सरकारले वितरण गरेको मानपदवी, अलंकार र विभूषण वितरणका लागि नेपाल सरकारले गत भदौ २९ गते सिफारिस गरे अनुसार धर्मगुरु आत्मानन्द सेइङलाई प्रसिद्ध प्रवल जनसेवाश्री प्रदान गरिएको हो ।

वि.स. २०११ साल मंसिर १८ गते इलामको इभाङमा जन्मिनुभएका किरात धर्मगुरु आत्मानन्द सेइङले किरात धर्म, भाषा, लिपि, साहित्य, संस्कार तथा संस्कृतिको उत्थान र संरक्षण गर्दै समाज सुधारको लागि गर्नुभएको त्याग र तपस्या किरात जातीहरुको निम्ति ठूलो त्याग भएको हुँदा गुरुज्यूको सम्मानमा सरकारले सम्मान गरेको किरात धर्म तथा साहित्य उत्थान संघका अध्यक्ष डकेन्द्रसिंह थेगीमले सामाजिक संजालमा उल्लेख गरेका छन् । सरकारले धर्मगुरु सेइङको आध्यात्मिक मार्गबाट सत्य, अहिंसा, विश्व शान्ति र मानव एकताको लागि गर्नुभएको अतुलनीय योगदानको उच्च सम्मान गर्दै प्रसिद्ध प्रवल जनसेवाश्रीबाट सम्मानित हुनुभएकोमा किरातधर्मावलम्बीहरु हर्ष विभोर भएको उनले बताएका छन् ।

सरकारले संविधान दिवसका विभिन्न व्यक्तित्वहरुलाई विभिन्न मानपदवी, अलंकार र विभूषण प्रदान गरेको छ । मानपदवी, अलंकार र विभूषण राष्ट्रपति विद्यादेवी भण्डारीले शितल निवासमा आयोजित विशेष समारोहमा विभूषण प्रदान गर्नु हुनेछ ।

 

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...