चुम्लुङ यूके अध्यक्षमा नरवीर आङबो निर्वाचित

 लिम्बुवान न्युज
                       

अल्डरसट, ५ असोज । २०४६ सालमा स्थापना भएको लिम्बु जातीको प्रतिनिधिमूलक संस्था किरात याक्थुङ चुम्लुङ यूकेको अध्यक्षमा नरवीर आङ्वो निर्वाचित भएका छन् । लोकतान्त्रिक प्रक्रियाबाट अन्य तीन प्रत्यासीहरूलाई भारी मतले पराजित गरेपछि उनी दसौँ कार्यकालका लागि अध्यक्ष पदमा विजयी भएका हुन् ।

अध्यक्षमा निर्वाचितः नरवीर आङ्वो

गत शनिबार बिहान सुरु भएर आइतबार मध्यरातसम्म चलेको चुम्लुङ यूकेको दसौँ महाधिवेशनले आङ्वोको नेतृत्वमा ११ सदस्यीय पदाधिकारी निर्वाचित गरेको छ । विधानअनुसार चुम्लुङको पदािधकारीहरू महाधिवेशनबाट र केन्द्रीय सदस्यहरू शाखा अधिवेशनबाट पठाइएपछि अनुमोदन गरिन्छ । चुम्लुङ यूकेमा १६ शाखाहरू रहेका कारण केन्द्रीय समितिको आकार २७ सदस्यीय रहनेछ ।

यसअघि उपाध्यक्षका रूपमा काम गरेका आङ्वोले अध्यक्षका लागि प्रतिस्पर्धामा उत्रिएका वरिष्ठ उपाध्यक्ष नगेन्द्रराज नेम्वाङ, उपाध्यक्ष दुर्गा पाङ्मा र ग्रेटर लन्डन सिनियरका निवर्तमान शाखा अध्यक्ष पूर्ण बोखिमलाई भारी मतले पराजित गरेका थिए । मतदानमा कुल ५८१ मत खसेको थियो । जसमध्ये चार मत बदर भएका थिए । विजयी रहेका आङ्वोले ३५० मत प्राप्त गरेका थिए । प्रारम्भमा पाँच जनाले सर्वोच्च पदका लागि दाबेदारी दिए पनि अर्का प्रत्यासी नर थाम्सुहाङले मतदान हुनुअघि उम्मेदवारी फिर्ता लिएका थिए ।

दसौँ कार्यकालका लागि निर्वाचित पदाधिकारीहरु

चार उपाध्यक्ष पदका लागि पनि आठ जनाले प्रतिस्पर्धा गरेका थिए । भारी मत पाएर अमृता पालुङ्वा, खगेन्द्र लाओती र सन्त हुक्पा चोङवाङ विजयी रहे । निवर्तमान महासचिव गणेश इजम र यदुचन्द्र लाओतीको मत बराबर भएपछि दुवैले आधा आधा कार्यकाल सम्हाल्ने गरी उपाध्यक्षमा निर्वाचित भएका छन् । उपाध्यक्षमा छत्र वनेम, विजय लिङ्थेप र धन काम्वाङ पनि प्रतिस्पर्धामा थिए ।

त्यसैगरी, महासचिवमा जुरेन्द्र खजुम निर्वाचित भए । सचिव पदमा भने तारा कन्दङ्वा निर्वाचित भएका थिए । सहसचिवमा पुनः दोस्रो कार्यकालका लागि सानु सब्बाले जिम्मेवारी पाएकि छन्् । कोषाध्यक्षमा भने दीपेन्द्र यक्सो र सहकोषाध्यक्ष पदमा जीवन प्यारा मादेन र नरप्रसाद सवेन्हिम यसअघि नै निर्विरोध रुपम निर्वाचित भइसकेको नव निर्वाचित उपाध्यक्ष यदुचन्द्र लावतीले जानकारी दिएका छन् ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...