दमक, ६ असोज । झापाको दमक ६ स्थित फाल्गुनन्द बचत तथा ऋण सहकारी संस्थाको भोलि बिहीबार दशौं साधारण सभा तथा नयाँ नेतृत्वको लागि चौथो अधिवेशन हुँदैछ । दमक–८ को कस्मिक पार्टी प्यालेसमा हुने वार्षिक साधारण सभा तथा अधिवेशनमा दुई प्यानल सञ्चालक समितिको चुनावीमा उत्रिएका छन् ।
संस्थाका निर्वतमान अध्यक्ष संकल्प लिङदेन र उपाध्यक्ष महेन्द्र चाम्लिङ राईले संहकारी संस्थामा आ–आफ्नो उम्मेद्वारी प्रस्तुत गर्दै चुनावी मैदानमा होमिएका हुन् । लिङदेनले अध्यक्षसहित ९ सदस्यीय सञ्चालक समिति र तीन सदस्य लेखा समितिको टिम बनाएर निर्वाचनको अन्तिम तयारीका साथ प्रचार प्रसारमा जुटेका छन् । अध्यक्ष लिङ्देन पुनः अर्को कार्यकालको लागि आफू स्पष्ट बहुमतका साथ चुनाव जित्ने प्रतिबद्धताका साथ चुनावी मैदानमा होमिएको छन् ।
बुधबार दमकमा पत्रकार सम्मेलन गर्दै संस्थाका उपाध्यक्ष चाम्लिङले अध्यक्ष पदमा र जीतेन लिम्बुले सचिव पदमा उम्मेद्वारी दिएको स्पष्ट पारेका छन् । अध्यक्ष पदका प्रत्यासी चाम्लिङ्ले दुई पदमा नेतृत्व लिने कसरत गर्दै अवधारणपत्र सार्वजनिक गरेका छन् ।
अध्यक्ष पदका प्रत्यासी चाम्लिङ्ले आफ्नो उम्मेद्वारीबारे एक अवधारणापत्र सार्वजनिक गर्दै सहकारी संस्थाको स्थापनाकालदेखि संस्थागत विकास, गतिशीलता र प्रवर्ध्दनमा महत्वपूर्ण भूमिका खेल्दै आएकाे हुँदा सहकारीको संस्थागत सुशासन र दिगो विकासका निम्ति आफू निरन्तर जुटिरहेका बताउँदै शेयर सदस्यहरुलाई आफूलाई मतदान गर्न अनुरोध गरेका छन् ।
स्पष्टबक्ता चाम्लिङले फाल्गुनन्द बचत तथा ऋण सहकारी संस्थाको संस्थागत सुशासन र पारदर्शिताप्रति सञ्चालक समितिलाई चेतावनी र शेयर सदस्यहरुलाई सचेत गराउँदै आएका छन् । प्रत्यासी चाम्लिङले संंस्थाको बिगतको कार्यकालमा आर्थिक व्यवस्थापन, सुशासन र पारदर्शितामा प्रश्न उठाउदै आएपनि त्यस विषयमा संस्था गम्भिर बन्न नसकेको औल्याएका छन् ।
Related