लिम्बुवानखबर, ८ असाेज । झापाको दमकमा संचालित फाल्गुनन्द वचत तथा ऋण सहकारी संस्थाको १०औं साधारणसभासँगै सम्पन्न चौथो. अधिवेशनले पुनः तेस्रो कार्यकालका लागि संकल्प लिङ्देन अध्यक्षमा निर्वाचित भएका छन् । लोकतान्त्रिक प्रक्रियाबाट उनका प्रतिद्वन्दी निवर्तमान उपाध्यक्ष महेन्द्र चाम्लिङ् राईलाई भारी मतअन्तरले पराजित गरि लिङ्देन अध्यक्षमा निर्वाचित भएका हुन् ।

दमक ६ मा मुख्य कार्यालय रहेको फाल्गुनन्द बचत तथा ऋण सहकारी संस्थाको अध्यक्षमा बिहीबार सम्पन्न निर्वाचन पश्चात रातिभएको मतगणनाको अन्तिम परिणामले लिङ्देनलाई थप ३ बर्षको लागि अध्यक्षमा निर्वाचित गरेको छ । त्यसैगरी सचिव पदमा उम्मेद्वार देशराज नेम्बाङ्ले प्रतिद्वन्दी जितबहादुर लिम्बु (जितेन)लाई पराजित गर्दै विजयी भएका छन् । नेम्बाङ् विगत लामो समयदेखि पत्रकारिता पेशामा आबद्ध रहेर दमकका क्रियासिल रहेका छन् ।

संस्थाका सञ्चालक समितिको अध्यक्ष र सचिव वाहेकका अन्य पदहरुमा भने यसअघि नै निर्विरोध निर्वाचित भएको निर्वाचन समितिका संयोजक चुडामणी ओझाले जानकारी दिएका छन् ।

संयोजकका अनुसार सञ्चालक समितिका उपाध्यक्षद्धयमा फूलकुमारी आङदेम्बे, दिलीप जवेगु, कोषाध्यक्षमा संगीता सेरेङ (इक्सा ) र सदस्यहरुमा गुमानसिंह सम्बाहाम्फे, कमला सुब्बा, मनकुमारी पन्दाक बेघा र खड्ग राई रहेका छन् ।

यस्तै, लिलाराज तुम्बापोको संयोजकत्वमा तीन सदस्यीय एक लेखा समिति पनि निर्विरोध निर्वाचित भएका छन् । निर्वाचित हुने लेखा सदस्यद्धयमा बीरवहादुर लावती र शक्ति वहादुर साम्बा रहेका छन् ।

संस्थाले बार्षिक साधारणसभाबाट नीति तथा कार्यक्रमलाई पारित नभई निर्वाचन प्रक्रिया शुरु गरिएकाेमा सचिव पदका प्रत्यासी जितेनले रोष प्रकट गरेका थिए । संस्थाको नयाँ नेतृत्व चयन गर्नलागि झापाका सहकारी अभियन्ता ओझाको संयोजकत्वमा तीन सदस्यीय निर्वाचन समिति गठन गरेको थियो ।