दमक, ८ असाेज। शिखा बचत तथा ऋण सहकारीले आफ्नो १०औं बार्शिक साधारणसभा सम्पन्न गरेको छ । आज सस्थामा आयोजित एक कार्यक्रमका बिच १०औं साधारणसभा सम्पन्न गरेको हो । सस्थाले आगामी ४ बर्षका लागि नयाँ कार्यसमिती पनि चयन गरेको छ ।
गत असोज ५ गतेदेखि सुरुभएको शिखाको साधारणसभा आज बिधिवत रुपमा सम्पन्न भएको हो । सरकारले निर्धारण गरेको सुरक्षा मापदन्ड अपनाएर साधारणसभा सम्पन्न गरिएको सस्थाका ब्यवस्थापक तुलशी राजबंशीले जानकारी दिए ।
१०औं साधारणसभाले सर्वसम्मत रूपमा नेतृत्व चयन गरेको छ । जिल्ला सहकारी संघका उपाध्यक्ष प्रेम कोइरालाको नेतृत्वमा गठन भएको निर्वाचन समितीले तेज कुमार श्रेष्ठको नेतृत्वमा सर्वसम्मत समिती चयन गरेको हो । २ जना बाहेक सबै पुरानै समिति सर्वसम्मत चयन भएको सदस्य हरि लामाले जानकारी दिए ।
साथै सस्थाले संस्थापक अध्यक्ष पृतम सुब्बालाई सम्मान गरेको छ । शिखा सहकारीको सुरुवात गर्न ठुलो भुमिका खेलेको भन्दै सुब्बालाई सम्मान गरिएको सस्थाले जनाएको छ । साथै सहकारीको १० औं बार्शिक साधारणसभा सम्पन्न गर्न महत्त्वपूर्ण भुमिका निर्वाह गर्ने सबैप्रती सस्थाले हार्दिक आभार ब्यक्त गरेको छ । नवनिर्वाचित अध्यक्ष तेजकुमार श्रेष्ठले संस्थालाई यहाँसम्म ल्याउनका लागि निरन्तर मार्गदर्शन गर्ने संचालक समितीका साथै, साधारणसभा सम्पन्न गर्नका लागि सहयोग गर्नुहुने सम्पुर्ण शेयर सदस्य ज्युहरु, सस्थाका सम्पुर्ण कर्मचारी, सुभचिन्तक लगायत सबैमा हार्दिक आभार गर्दै सबैलाई धन्यवाद दिए ।
साथै शनिबारबाट सहकारीको नियमित कारोबार सुचारु हुनेपनि सस्थाले जनाएको छ ।
Related