लिम्बुवानखबर, ११ असोज । संघीय लोकतान्त्रिक राष्ट्रिय मञ्च, संघीय लिम्बुवान मञ्च नेपालको प्रवास संगठन संघीय लिम्बुवान सामाजिक मञ्च प्रवास समिति यूकेको थरक ग्रेज शाखाको चौथो अधिवेशन सम्पन्न भएको छ ।
शनिबार यूके प्रवास अध्यक्ष टंक खापुङको प्रमुख आतिथ्यतामा आयोजित अधिवेशनले हरिप्रथम कुरुम्बाङ्को अध्यक्षतामा नयाँ कार्य समिति गठन भएको हो ।
नवगठित कार्य समितिको उपाध्यक्षहरुमा पदमबहादुर यक्सो, निर्मला लावती अन्छङ्बो, सचिव श्रीमती दिलमाया आङबुहाङ खापुङ, सचिजमा युजेन लावती, अर्थसचिवमा सुर्यकुमारी यक्सो, सह–अर्थसचिवमा रेशम यक्सो चयन भएका छन् । यसैगरी सदस्यहरुमा तारा यङहाङ कुरुम्बाङ, पुष्पा फोम्बो लिम्बु, शुक्रराज खापुङ, नन्दकुमार खापुङ, गजेन्द्र फोम्बो र अर्जुन तुम्बाहाम्फे रहेका छन् । त्यसैगरी समितिमा थप सदस्यहरु थप्दै लाने जनाइएको छ ।
कार्यक्रममा प्रमुख अतिथि यक्सोले नयाँ कार्य समितिलाई सफथग्रहण गराउँदै बधाई तथा शुभकामना व्यक्त गरेका थिए । यसैगरी कार्यक्रमका अर्का अतिथि यूके प्रवास उपाध्यक्ष शर्मिला यक्सो चोङबाङ्ले नवनिर्वाचित समितिलाई शुभकामना मन्तव्य राख्दै बधाई दिएका थिइन् ।
उक्त कार्यक्रम कृष्ण कुमार कुरुम्बाङ्को सभाध्यक्षतामा सम्पन्न भएको थियो ।
Related