शिसवताक्षी, ११ असोज । पूर्व–पश्चिम लोकमार्गस्थित शिवसताक्षी माइधारमा टिपरको ठक्करले एक जनाको मृत्यु भएको छ । मृत्युपछि स्थानीयले टायर बालेर लोकमार्ग अवरुद्ध पारेपछि सडक जम्मा भएको जनाइएको छ ।
सोमबार बिहान को२च २६३२ नम्बरको सो गाडीलाई टिपरले ठक्कर दिँदा दमक नगरपालिका–९ का ३९ वर्षीय नेत्र खड्काको मृत्यु भएको थियो । टिपरले ठक्कर दिँदा उक्त गाडी उछिट्टिएर कन्काई नहरभित्र पसेको थियो ।
प्रदेश–०३–००१–क ००९५ नम्बरको टिपरलाई प्रहरीले नियन्त्रणमा लिएको छ । पश्चिमबाट पूर्वतर्फ जाँदै गरेको गाडीलाई टिपरले पछाडिबाट ठक्कर दिएको थियो ।
माइधारस्थित ट्राफिक प्रहरीले चेकजाँच गरिरहेका बेला गाडी स्लो गर्ने क्रममा पछाडिबाट तिब्र गतिमा आएको टिपरले ठक्कर दिएको प्रहरीले जनाएको छ । शव दमकस्थित दमक अस्पतालमा पोस्टमार्टमको लागि राखिएको अस्पताल स्रोतले जनाएको छ । शव सोमबार पोष्टमार्टम गर्ने स्रोतले जनाएको छ ।
Related