काठमाडौं । किरात सिरिजंगा लिपि समायोजन सम्बन्धी बिज्ञहरुको कार्यदल गठन गरिएको छ । सोमबार काठमाडौंमा बसेको किरात समन्वय समितिको बैठकले विज्ञहरुको कार्यदल गठन गरेको हो ।

डा. तारामणि राईको संयोजकत्मा कार्यदल गठन भएको छ । कार्यदलको सदस्यहरुमा प्राज्ञ अमर तुम्याहाङ, डा. लाल रापचा, डा. गणेश जिमी, गणेश वाम्बुले राई, डि.बि आङ्बुहाङ, इन्दीरा जिमी, उत्तम सुनुवार चयन हुनुभएको छ भने थप एक सदस्य पछि थप्ने बताइएको छ ।

यो कार्यदलले लिपि समायोजन कार्यादलले किरात सिरिजंगा लिपि साझा लेखन बारे अध्ययन गर्ने । त्यसैगरी सम्बन्धित भाषाहरुको लेखनको लागि वर्णहरु निर्धारण गर्दै लिपि समायोजन गर्न तालमेल गर्ने । वर्ण तथा लिपि समायोजन गरे पश्चात नयाँ ध्वनी चिन्ह सहितको लिपि प्रतिवेदन तयार पार्ने जनाइएको छ ।

साथै बैठकले किरात सिरिजंगा लिपि लेखनलाई साझारुपमा प्रयोग हुने अभियानलाई सकारात्मक रुपममा ग्रहन गर्न सबै समुदायमा अपिल गर्ने बताइएको छ ।