सन्देश सुब्बाको गजल सङ्ग्रह ‘सम्झनाको आँधी’को चर्चा

 लिम्बुवान न्युज
                       

फिदिम, १३ असोज । कवि एवं पत्रकार सन्देश सुब्बाको गजल सङ्ग्रह ‘सम्झनाको आँधी’को बुधवार फिदिममा चर्चा गरिएको छ ।

पाँचथर गजल मञ्चले आयोजना गरेको कार्यक्रममा उक्त कृतिमाथि लक्ष्मीप्रसाद ढुङ्गाना र मधुराज केरुङले टिप्पणी राख्नुभएको थियो । कृतिमाथि टिप्पणी राख्दै समीक्षक ढुङ्गानाले गजलकार सुब्बा काब्यिक चेतनाबाट गजल लेखनमा स्थापित भएकाले उहाँका गजलहरु अब्बल रहेको वताउनुभयो । उहाँले दर्शन बुझेर लेख्ने र भावाबेसभन्दा माथि उठेर जीवन भोगाइहरुलाई गजलका रुपमा कृतिमा समेट्न सुब्बा सक्षम रहेको टिप्पणी गर्नुभयो ।

कुशलतापूर्वक गजललाई संरचनागत रुपमा रुप र भाव पक्षलाई समेटेर गजलहरु समेटिएकाले यो कृतिले नेपाली गजल एवं साहित्यका क्षेत्रमा महत्वपूर्ण योगदान दिने विश्वास उहाँले ब्यक्त गर्नुभयो । आवाजविहीनहरुका आवाजलाई गजल सङ्ग्रहले समेटेको र समग्रमा मानव जीवन देखिने सबै प्रकारका विविधता वा स्वादहरुको प्रतिबिम्ब उक्त कृति रहेको ढुङ्गानाको टिप्पणी थियो ।

अर्का टिप्पणीकार केरुङले उक्त सङ्ग्रहले मुन्धुमी मिथकहरुदेखि क्रान्ति र आन्दोलनमा भावहरु, जीवन भोगाई, प्रेम र वियोगका अनुभूतिहरु, समाजका निमुखाहरुका पीडा र आवाजहरु उक्त गजल सङ्ग्रहले समेटेको वताउनुभयो । जीवन भोगाइका आशा र निराशाका पक्षहरुको प्रस्तुति, प्रेम र वियोग दुवैका अनुभूति, समाजका विभिन्न पक्षहरुलाई गजलहरुले समेटेकाले उक्त सङ्ग्रह निकै उत्कृष्ट रचना रहेको केरुङले टिप्पणी गर्नुभयो ।

यसअघि ‘आगोको सौन्दर्य’ नामक कविता सङ्ग्रह प्रकाशन गरिसक्नुभएका सुब्बा विशेषतः कविता लेखनमा राष्ट्रिय स्तरमा स्थापित र पुरस्कृत नाम हो । उहाँले केही समयअघि प्रकाशनमा ल्याउनुभएको उक्त गजल सङ्ग्रहमा स्थानीय परिवेशदेखि अन्तर्राष्ट्रिय सन्दर्भसमेत प्रष्फुटित छन् ।

उक्त पुस्तक चर्चा कार्यक्रममा सर्जक सुब्बाले आफ्ना कृतिहरुबाट सङ्कलन हुने रकमको केही भाग जम्मा गरेर आफ्ना बुवाआमा मनबहादुर–पृथमाया लिम्बुको नाममा अक्षयकोष स्थापना गर्ने तयारी गरेको वताउनुभयो । याक्थुङ प्रज्ञा प्रतिष्ठानका कुलपति राजेन्द्रकुमार जबेगूको प्रमुख आतिथ्यतामा आयोजित कार्यक्रममा नारी श्रष्टा मीना राईले समेत आफ्ना भनाई राख्नुभएको थियो ।

सम्बन्धित समाचार

नेकपा एकीकृत समाजवादीले तोक्यो सात वटै प्रदेशमा इन्चार्ज

  काठमाडौं, १० कार्तिक । नेकपा (एकीकृत समाजवादी)ले सातै वटै प्रदेशमा इन्चार्ज मनोनयन गरेको छ । त्यसैगरी सात वटै प्रदेशमा कमिटी पनि गठन गरेको छ । एकीकृत समाजवादीले प्रदेश कमिटीमा सो पार्टीले इन्चार्ज, सहइन्चार्जका साथै...

चीनबाट थप १० लाख डोज भेरोसेल खोप आइपुग्यो

फाइल तस्वीरः लिम्बुवानखबर, १० कार्तिक । चीनबाट कोभ्याक्स सुविधा अन्तर्गतको कोरोना भाइरस विरुद्धको भेरोसेल खोपको थप मात्रा नेपाल आइपुगेको छ । स्वास्थ्य सेवा विभागका अनुसार १० लाख २० हजार मात्र खोप नेपाल आइपुगेको हो ।...

बाग्मती प्रदेशकी मुख्यमन्त्री शाक्यद्वारा पदबाट राजीनामा

लिम्बुवानखबर, १० कार्तिक । वाग्मती प्रदेशकी मुख्यमन्त्री अष्टलक्ष्मी शाक्यले पदबाट राजीनामा दिएकी छन् । बुधबार दिउँसो १ बजेका लागि बोलाइएको प्रदेशसभाको बैठकलाई सम्बोधन गर्दै मुख्यमन्त्री शाक्यले राजीनामाको घोषणा गरेकी हुन् । मुख्यमन्त्री शाक्यले नेपालको संविधानको...

गायिका नुमा नेम्बाङको ‘बसन्तमा’ गीतको म्यूजिक भिडियो छायाँङकन

लिम्बुवानखबर, पान्थर संवाददाता । गायिका नुमा नेम्बाङको ‘बसन्तमा’ बोलको गीतको म्युजिक भिडियोको मंगलबार छायाङकन सम्पन्न भएको छ । पाँचथरको विभिन्न रमणिय स्थलहरुमा उक्त गीतको म्यूजिक भिडियो छायाङकन गरिएको हो । पाँचथरका बहुप्रतिभाका धनी सागर केरुङले...