शिवसताक्षी, १४ असोज । संघीय लिम्बूवान मञ्च नेपाल झापाको शिबसताक्षी ३ ले दोस्रो वडा सम्मेलन सम्पन्न गरेको छ ।

धरमपुरको भर्लिचनस्थित प्रताप निङ्लेकुको निवासमा आयोजित सम्मेलनले आगामी कार्याकालका लागि भीम बहादुर निङ्लेखुको अध्यक्षतामा नौ सदस्यीय समिति गठन गरेको हो ।

नव गठित समितिको उपाध्यक्षमा पबिमाया भुजेल (इगनाम), सचिवमा रुपैश इगनाम र अर्थ सचिवमा सन्तोष मेन्याङबो चुनिएका छन् । त्यस्तैं, सदस्यहरुमा उदय देवान, धिरज निङलेकु, प्रेम सम्बाहम्फे, रोहित सिङ्गोक र दलबहादुर योङहाङ चुनिएका छन् ।

मञ्चकी प्रान्तीय महासचिव शान्ता योङहाङको प्रमुख आतिथ्यता रहेको उक्त कार्यक्रममा नवनिर्वाचित समितिलाई सफलग्रहण गराउँदै योङहाङले भनिन् राजनीतिक हिसावले संघीय लिम्बूवान मञ्च नेपालले प्रदेश १ का जिल्लामा संगठन सुढृढिकरण अभियानमा लाग्नुपर्नेमा जोड दिइन् । उनले आगामी नर्वाचनलाई लक्षित गरेर स्थानीय तहको पालिका र वडाहरुमा पार्टीको गतिविधिलाई तिब्र बनाउन कार्यकर्ताहरुलाई आग्रह गरिन् ।

त्यसैगरी कार्यक्रममा केन्द्रीय सदस्य जसबहादुर तामाङ र पहिचान सदस्य हर्क प्रसाद निङलेकुले पनि निर्वाचन केन्द्रीत कार्यक्रमहरु ल्याएर गाउँ–गाउँ र नगर–नगरमा पार्टीको कार्यक्षेत्रमा जुट्न आग्रह गरेका थिए ।

भीम निङलेकुको अध्यक्षतामा भएको वडा सेम्मेलनमा उदय देवानले स्वागत मन्तव्य राखेका थिए भने कार्यक्रमको सञ्चालन मञ्चको शिबसताक्षी नगर उपाध्यक्ष प्रताप निङलेकुले गरेका थिए ।

त्यस्तैं, वडा अधिवेशन सम्पन्न भएपछि नगर कार्य समितिको यहि असोज २३ गते सम्मेलन गर्ने कार्यक्रम रहेको नगर उपाध्यक्ष निङलेकुले जानकारी दिए ।