झापा कमलमा प्रादेशिक आयुर्वेद अस्पतालको उद्घाटन

 लिम्बुवान न्युज
                       

कमल / झापाको कमल गाउँपालिकामा प्रादेशिक आयुर्वेद अस्पतालको उद्घाटन गरिएको छ । एक कार्यक्रमका बिच प्रदेश १ का स्वास्थ्य मन्त्री जयराम यादव र कृषि मन्त्री झलकबहादुर दर्लामीले अस्पतालको उद्घाटन गरेका छन् ।

अस्पतालको उद्घाटन गर्दै मन्त्री यादवले यस अस्पताललाई पूर्ण रूपमा सञ्चालन र व्यवस्थापनका लागि कुनै कमी हुन नदिने बताएका छन् । उनले पुरानो एवं वैदिक उपचार पद्धतिको अनुसरण गर्दै हरेक प्रकारका बिरामीहरूको उपचार गर्ने किसिमको अस्पतालको रूपमा यस अस्पताललाई विकास गरिँदै लैजाने समेत प्रतिबद्धता व्यक्त गरेका छन् ।

प्रदेश १ का कृषि मन्त्री झलकबहादुर दर्लामीले स्वास्थ्यको क्षेत्रमा यो एउटा राम्रो काम भएको बताएका छन् । आयुर्वेद तथा वैकल्पिक स्वास्थ्य क्षेत्रमा यसले नयाँ आयाम ल्याउने छ भन्ने हामी सबैको अपेक्षा छ, उनले भने ।

प्रदेश सरकारले चालु आर्थिक वर्षमा लखनपुरमा ५० शय्याको प्रादेशिक आयुर्वेद अस्पताल सञ्चालनका लागि २ करोड ५६ लाख बजेट विनियोजन गरेको थियो । आयुर्वेद, होमियोप्याथी, प्राकृतिक चिकित्सा एवं अन्य वैकल्पिक चिकित्सा सेवा एकीकृत तथा एकद्वारा प्रणालीबाट उपलब्ध गराउन यो बजेट विनियोजन भएको थियो ।

अस्पतालले बिहीबार देखि ओपडि सहितका सेवाहरू सुरु गर्ने अस्पताल प्रशासनले जनाएको छ । आयुर्वेदिक चिकित्सासम्बन्धी स्वास्थ्य सेवा पुर्‍याउने उद्देश्यले स्थापना गरिएको प्रादेशिक अस्पतालको २० करोड ६३ लाख रुपैयाँको लागतमा सुविधा सम्पन्न भवन निर्माण भएको थियो ।
२०७५ असार ३१ गते भवन निर्माणका लागि सम्झौता भएकोमा २०७८ असार २५ गते भवनको निर्माण सम्पन्न भएको थियो । अस्पताल करिब स्थानीय जग्गा दाताहरूले दिएको २ बिगाहा १ धुर क्षेत्रफलमा फैलिएको छ ।

तीन तले सुविधा सम्पन्न भवनमा अस्पतालका लागि आवश्यक सम्पूर्ण पुर्वधारहरु निर्माण भएका छन् । छुट्टै बहिरङ्ग कक्षदेखि आयुर्वेदिक पद्धतिबाटै एक्स–रे, सघन उपचार कक्ष, एन आइसियु जस्ता आवश्यक कक्षहरू समेत बनाइएको छ । प्रसूति सेवा कक्ष पनि निर्माण गरिएको छ ।

सम्बन्धित समाचार

जारी-२ काे छायाँकन पान्थरमा शुरू

झापा, दमक, ३० वैशाख ।  बहुप्रतीक्षित फिल्म ‘जारी : सङ् अफ च्याब्रुङ’को छायांकन पान्थरबाट सुरु भएको छ । बुद्ध जयन्ती चण्डीपूर्णिमा (उभाेली)को अवसर पारेर मंगलबारदेखि छायांकन सुरु भएको हाे । चलचित्रकाे छायांकन शुरू भएकाे चलचित्रका...

किरातीहरुले उभौली पर्व हर्षाेल्लासका साथ मनाए

ललितपुर, २९ वैशाख । किरात राई समुदायले आज सांस्कृतिक पर्व उभौली मनाएका छन् । अन्न उब्जनी हुने प्रकृति भूमिको पूजाआजा गरी किरात समुदायले उभौली पर्व मनाएका हुन् । पूर्व प्रदेश १ को सबै जिल्लामा बसोबास...

२५६९औं बुद्ध जयन्ती विविध कार्यक्रम गरि मनाइदै

काठमाडाैं, २९ वैशाख । आज सोमबार २५६९औं बुद्ध जयन्ती मनाइँदै छ। शान्तिका अग्रदूतका रूपमा विश्वमा परिचित सिद्धार्थ गौतमको जन्मजयन्तीको अवसरमा बुद्धको पूजा, आराधना एवं प्रवचन गरी मनाइँदै छ। प्रत्येक वर्ष वैशाख शुक्ल पूर्णिमाका दिन बुद्ध...

इन्द्र लुम्फुङ्वाको संयोजकत्वमा संयुक्त पहिचानवादी मोर्चा मलेसिया प्रवास समिती गठन

मे ११,२०२५, क्वालालम्पुर, मलेशिया । मलेशियामा संयुक्त पहिचानवादी मोर्चा प्रवास समिति गठन भएको छ । मोर्चाका संयोजक प्रा.डा. महेन्द्र लावतीको प्रमुख उपस्थितिमा क्वालालम्पुरस्थित इन्द्र लुम्फुङवाज्युको संयोजकत्वमा ३७ सदस्यीय मोर्चा प्रवास समिती मलेसिया गठन गरिएको हो...