पाँचथर, २१ भदौं । संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च नेपाल फेदेन नगर समितिको अधिबेशन आयोजक समिति गठन भएको छ । मंगलबार फेदेनस्थित होटल सिङ्गापुरको सभाहलमा सम्पन्न भएको हो ।

चौथो नगर अधिबेशनको लागि प्रान्तीय सचिवालय सदस्य देउकुमार नेम्बाङको संयोजकत्वमा १५ सदस्यीय आयोजक समिति गठन गरिएको हो । सहसंयोजकमा बीरबहादुर केरुङ, याम नेम्बाङ, सदस्य सचिवमा दिल तुम्रोक, सहसचिवमा सरोज कुगेनाम्बा, अर्थसचिवमा पुर्ण तुम्बापोलाइ चयन गरिएको छ । यसरी नै सदस्यहरूमा सुरेन्द्र सेवां, सुरेन्द्र सावाँ, मनप्रसाद तुम्बापो, सुमन हाङ्सरुम्बा, नुमा एक्तेन, गौरव हाङ्सरुम्बा, सीता खवास, बिरेन्द्र आङ्बो, सदाम फागो, लक्षुमन तुम्बापो रहेका छन् ।

मञ्चका संघीय सहसचिव सागर केरुङको प्रमुख आतिथ्यतामा सम्पन्न कार्यक्रममा प्रान्तीय उपाध्यक्ष रामकुमार लिङ्देन, जिल्ला अध्यक्ष चन्द्रराज आङ्देम्बे लगायत नेताहरुको उपस्थिति रहेको थियो ।