दमक, १८ भदौं । किरात याक्थुङ् चुम्लुङ् हङकङका पूर्व अध्यक्ष त्रिभुवन लुम्फुङवा लिम्बु दुई संस्थाबाट सम्मानित भएका छन् । सोमबार झापाको दमक ५ बेलडाँगीरोडस्थित तुमिरो क्याफेमा एक कार्यक्रमगरि लिम्बुलाई सम्मान गरिएको हो ।

इलाम, फाकफोकथुम ४ लिम्बु गाउँमा स्थापित फुङवा युवा क्लबका सचिव भावना लिम्बुले गतबर्षको चासोक तङनाम मेलालाई ३० हजार रकम सहयोग गर्नुभएकोमा संस्थाको तर्फबाट सम्मानपत्रले सम्मान गरेकी थिइन् ।

यसैगरी मिक्लाजुङ ४ स्थित याक्थुङ भिलेजमा निर्मित चाँदीको सिलामसाक्मा निर्माण साथै उक्त क्षेत्रमा चासोक तङनाम सांस्कृतिक कार्यक्रम सम्पन्न गर्न महत्वपूर्ण सहयोग प्रदान गर्नुभएको भनी सिलामसाक्मा चोक निर्माण समितिले पनि सम्मान पत्रले सम्मान गरेको हो । कार्यक्रमका सांस्कृतिक संयोजक भुपेन्द्र तुम्बाहाम्फेले सम्मानपत्र हस्तान्तरण गरेका थिए ।

कार्यक्रमको सहजीकरण संचारकर्मी दिलकुमार लावतीले गरेका थिए । कार्यक्रममा फुङ्वा युवा क्लबकी सदस्य निरु लिम्बु लगायतको उपस्थिति रहेको थियो ।

आफूलाई सम्मान गरेकोमा दुई संस्थाहरुप्रति आभार व्यक्त गर्दै सम्मानित लिम्बुले यो सम्मानले थप हौसला मिलेको र आफूले सकेको साथ सहयोग सधै रहने बताउनु भयो ।