ललितपुर, २ भदौं । नेपाल आदिवासी जनजाति महासंघ र लाहुर्निपको संयुक्त आयोजनामा “संविधानको पुनरावलोकन र आदिवासी जनजातिको अधिकार सम्बन्धि आदिवासी सभा“ भब्य रुपमा सम्पन्न भएकोछ ।

ललितपुरस्थित किरात याक्थुङ चुम्लुङकाे संघीय कार्यालयकाे सभाहलमा सम्पन्न कार्यक्रममा अधिबक्ता शंकर लिम्बुको कार्यपत्रमा दर्जनौ आदिवासी जनजाति संघ संस्थाका प्रतिनिधि तथा अभियान्ताहरुले आ–आफ्नो धारणा सहित सुझाबहरु रहेका छन् ।

नेफिन र लाहुर्निपद्वारा उक्त बिचारहरुलाई दस्ताबेजिकरण गरि आगामी दिनहरुमा संविधान बारे बहसलाई थप अगाडि बढाउने कार्ययोजना बनाईएको नेफिन महासचिव दिवस राईले बताउनु भयो ।

कार्यक्रममा नेफिनका संस्थापक महासचिव तथा राष्ट्रियसभा सदस्यमा. सुरेश आले मगर लगायत विभिन्न जातीय घटक संस्थाहरु, सम्बन्धन संगठनहरु र भुमि, सम्पदा अधिकार आन्दोलनका अभियान्ताहरु गरि १५० भन्दा बढिको सहभागिता रहेको थियो ।

कार्यक्रम नेफिनका अध्यक्ष ग्याल्जे शेर्पाकाे संयाेजकत्वमा भएकाे थियाे । (तस्वीरः दिवस राइकाे संजालबाट)