सिङ्गाने बुलाकी र सपनाहरू

 लिम्बुवान न्युज
                       

(कविता )
अशाेक चेम्जाेङ्

सिङ्गाने बुलाकी र सपनाहरू

तिमि संग
तिम्रो सपनाहरू माथि
लगानी गर्ने बैक छ।
मैले हातमुख जोडन साउदी जानुपर्छ
मेरो लागी
दुखहरुमा लगानी गर्ने
अलैंचीको बोटहरु हो
अम्लिसोको झ्याङहरु हो
भाउ नपाएर
मेल र कागती जस्तै
अमिलो भएको छ जिन्दगी ।
तिमी संग
तिम्रो सपनाहरू माथि
लगानी गर्ने
बैंक छ
म संग
मेरै भन्नु मिल्ने
बचेखुचेको
आमाको ,
सिङ्गाने बुलाकि छ ।
तिमि जस्तै
भात खानु
बाच्नैको लागि
मर्नु नपर्ने भए
म पनि देश बोक्थे होला
देशलाई मायाले सुमसुम्याउथे होला
देशको लागि सपनाहरू देख्थे होला
तिमि हुन सकिन
चाहिन
पाईन
जे सुकै बुझ्नुस
म भएर बाच्नु कठिन छ
दुखले पो बाचिरहेको छु जिन्दगी
म को हो चिन्यौ?
तिमिलाई महान नेता बनाउने मध्येको एउटा म
म फेरि बाच्नलाई
म बिर्सिएर मरिरहेको म
म भएर हेर
आफ्नै देशमा
……………
……………
………..
तिम्रा सपनाहरू
आलिसान होलान्
नोकर चाकर होला
अजङ्गको सिंहदरबार होला
मेरो एउटा सानो सपना छ
आफ्नै देशमा बाच्न पाउ
आफ्नै देशमा
खान पाउ
पिउन पाउ
स्वयम्भूको डाडा माथी उभिएर
सिंहदरबार बगाउने गरि मुत्न पाउ
(लेखकः राजनीति कर्मी तथा सर्जक र चलचित्र निर्देशक पनि हुन्)

सम्बन्धित समाचार

विर्तामाेडमा प्रतिबन्धित औषधीसहित एकजना पक्राउ

दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित  मनकुमार...

प्रथम ध्रुवतारा फूटसल प्रतियाेगिता हुँदै

दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली  ३ गते सम्म संचालन हुनेछ ।  दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले  इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र  मेडलमा चित्त बुझाउनु पर्ने छ ।

प्रदेश नं. १ नामकरण बहसले लियो नयाँ मोड– अशाेक चेम्जाेङ्

दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...

सरकारले प्रतिनिधिसभामा दुइतिहाइ गुमायाेः राष्ट्रिय सभामा अल्पमत

ललितपुर, ३२ असार ।  जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...