दमक, १७ भदौं । लिम्बू पत्रकार संघ जिल्ला कार्य समिति इलामको चौँथो जिल्ला अधिवेशन सम्पन्न भएको छ । इलामस्थित नेपाल आदिवासी जनजाति महासंघको सभाहलमा आयोजित अधिवेशनको बन्दसत्रबाट सुशिल मोराहाङको अध्यक्षतामा नयाँ समिति गठन गरिएको हो ।

उक्त अधिवेशनबाट समितिको उपाध्यक्षमा सेष्टि कुरुम्बाङ लिम्बु, सचिवमा सरोज जवेगु लिम्बु, सह–सचिवमा नविन फागो लिम्बु र कोषाध्यक्षमा ऐनकला नेम्बाङ लिम्बु चयन भएका छन् भने सदस्यहरुमा अनिता जवेगु, संगीता सम्बाहाम्फे, पुजा राई (लिम्बु) र अनुपहाङ लिम्बु निर्वाचित भएका छन् ।

साथै उक्त अधिवेशनबाट प्रदेश अधिवेशन प्रतिनिधिहरुमा रेखा लिम्बु, भिमसेन लिम्बु र प्रकृति लिम्बु त्यसैगरी केन्द्रीय महाधिवेशन प्रतिनिधिहरुमा सन्तोष नेम्बाङ र युवराज लिम्बु चयन भएको जिल्ला समिति इलामले जनाएको छ ।

कार्यक्रममा किरात याक्थुङ चुम्लुङका जिल्ला अध्यक्ष बुद्धमाया साेङमी, सचिव राम याेङहाङ र लिम्बु पत्रकार संघका महासचिव जीवन याेङहाङकाे उपस्थिति रहेकाे थियाे ।