ललितपुर, २० भदौं । नेकपा एमालेको दोस्रो विधान महाधिवेशन आजबाट शुरु भएको छ । ललितपुर जिल्लाको गोदावारीस्थित सनराईज हलमा पार्टी अध्यक्ष तथा प्रधानमन्त्री केपी शर्मा ओलीले उद्घाटन गरको छन् ।

आजदेखि तीन दिनसम्म आयोजना गरिएको महाधिवेशन आइतबारसम्म चल्नेछ । उद्घाट्न समारोहमा अध्यक्ष ओलीले सम्वोधनपछि प्रस्ताव र प्रतिवेदन पेस गर्नेछन् ।

एमालेले २०७८ सालदेखि नीति र नेतृत्व महाधिवेशन अलगअलग गर्ने अभ्यास सुरू गरेको हो । यो विधान महाधिवेशनले आगामी ११औं महाधिवेशनका लागि नीति र विधानको तर्जुमा वताईएको छ ।

शुक्रबार बिहान ११ बजे विधान महाधिवेशनको उद्घाटन सत्र सकिएलगत्तै बन्दसत्र आरम्भ हुने स्रोतले जनाएको छ । आज पार्टी अध्यक्ष ओलीले राजनीतिक प्रतिवेदन प्रस्तुत गर्नेछन् । पार्टी उपाध्यक्ष तथा अर्थमन्त्री विष्णु पौडेलले विधान संशोधन प्रस्ताव प्रस्तुत गर्नेछन् भने महासचिव शंकर पोखरेलले सांगठानिक प्रतिवेदन प्रस्तुत गर्नेछन् बताइएको छ ।

त्यस्तै केन्द्रीय लेखा, अनुशासन, निर्वाचन र सल्लाहकार परिषदको अलगअलग प्रतिवेदन पनि प्रस्तुत हुनेछन् ।

शनिबार प्रतिनिधिहरूलाई १० वटा समूहमा विभक्त गरेर दस्तावेजमाथि छलफल गराइनेछ । आइतबार १० वटा समूहका नेताहरूले राजनीतिक प्रतिवेदनमाथि समूहगत सुझाव प्रस्तुत बताइएको छ ।

नेतृत्वले त्यसमाथि जवाफ दिएपछि पार्टी केन्द्रीय निर्वाचन आयोगको निर्वाचन प्रक्रिया सुरू हुनेछ । विधान महाधिवेशनले केन्द्रीय निर्वाचन आयोग निर्वाचित गर्ने एमालेमा परम्परा छ । आगामी महाधिवेशनको नेतृत्व चयन त्यसैले गर्नेछ ।

निर्वाचन आयोगका पदाधिकारी र सदस्य निर्वाचित गरेपछि समसामयिक प्रस्तावसहित विधान महाधिवेशन सकिनेछ । यो विधान महाधिवेशनमा कुल २३४१ सहभागी छन् । जसमध्ये २०२६ जना प्रतिनिधि रहेका छन् भने ३१५ जना आयोजकको हैसियतमा सहभागी भएको एमाले प्रचारविभागले जनाएको छ ।

विधान महाधिवेशनलाई एमालेले उच्च प्रविधियुक्त बनाएको तथा प्रतिनिधिहरूलाई डिजिटल कार्डको प्रबन्ध गरिएको वताइएकोछ ।
काठमाडौंको ठाउँठाउँमा, मुख्य सडकहरु र गोदावरी पुग्ने मुख्य सडकहरुमा स्वागतद्वार निर्माण गरिएको छ । त्यसैगरी प्रतिनिधिहरूलाई यसपटक आवासको सुविधा आफै गुर्नपर्ने स्रोतले जनाएको छ । यद्यपी आयोजकले महाधिवेशनस्थलसम्म पुग्नका लागि सवारी साधनको प्रबन्ध भने गरिएको एमालेले जनाएको छ ।