दमक, २७ भदौ । किरात याक्थुङ चुम्लुङ मिक्लाजुङ गाउँपलिकाको पाँचौँ अधिवेशन मिक्लाजुङ–३, निसेलुङस्थित याक्थुङ हिममा सम्पन्न भएको छ।

गाउँ शाखाका अध्यक्ष अर्जुनसिंह लिङदेनको सभाध्यक्षतामा सम्पन्न कार्यक्रममा किरात याक्थुङ चुम्लुङ प्रदेश समितिका सचिव दिलु लिङदेन प्रमुख अतिथिका रुपमा उपस्थिती रहेको थियो ।

त्यसैगरी, डि.बी. आङबुहाङ, खगेन्द्र मादेन, बुद्धिमान इम्सङ, गणेश मिभक र डिल्ली मिभक विशिष्ट अतिथिका रूपमा सहभागी हुनुभएको थियो।

अधिवेशनले पारस मिभकको अध्यक्षतामा १७ सदस्यीय नयाँ कार्यसमिति निर्वाचित गरेको छ। नवनिर्वाचित कार्यसमितिको उपाध्यक्षमा सुनिता थक्सु, सचिवमा रिता सङ्गमी र कोषाध्यक्षमा जगत लिङदेन गरि १७ सदस्यीय निर्बाचित भएको छ।

नवनिर्वाचित कार्यसमितिले किरात याक्थुङ समुदायको भाषा, लिपि, संस्कार, संस्कृति तथा मौलिक पहिचानको संरक्षण र प्रवर्द्धनमा महत्वपूर्ण भूमिका निर्वाह गर्ने अपेक्षा गरिएको छ।