दमक, २८ भदाैं । किरात राई यायोक्खा मोरङको शनिबार पथरीमा सम्पन्न ८ औं जिल्ला अधिवेशनबाट केदार चाम्लिङ राई पुनः अध्यक्ष पदमा सर्वसम्मत निर्वाचित हुनुभएको छ। यससँगै राई लगातार दोस्रो कार्यकालका लागि अध्यक्ष बन्नुभएको हो। यसअघि जिल्ला सदस्य र सचिवको जिम्मेवारी सम्हालिसक्नुभएका उहाँ पुनः नेतृत्वमा चयन हुनुभएको हो।

अधिवेशनले नयाँ कार्यसमितिको उपाध्यक्षमा काशिहाङ राई र शुभद्रा राईलाई चयन गरेको छ। त्यसैगरी सचिवमा युवराज राई, सहसचिवमा उमेश राई र मोहन राई तथा कोषाध्यक्षमा ताराधन राई सर्वसम्मत रूपमा चुनिनुभएको छ।

त्यस्तै, समितिको सदस्यहरूमा सर्वलाल राई, कालुमान राई, प्रतावसिंह राई, लाखजीत राई, रुवाधन राई, हर्कबहादुर राई, रामकुमार राई, ईश्वर राई, फुलमाया राई, दीपा थुलुङ राई र नैनाकला राई चयन हुनुभएको छ।

अधिवेशन उद्घाटन तथा बन्द सत्रको कार्यक्रममा यायोक्खाका केन्द्रीय उपाध्यक्ष तिलकप्रसाद राई, उपमहासचिव अर्जुन जम्नेली राई, सचिव नगेशचन्द्र राई, प्रदेश समिति सचिव रामपाण्डुपा राई र पथरीशनिश्चरे नगरपालिका वडा नं. २ का वडा सदस्य नैना राईलगायतका अतिथिहरूको उपस्थिति रहेको थियो।