काठमाडाैं। खसान राष्ट्रिय संघर्ष समिति उपत्याका कार्य समितिले दशै, तिहार, छैट पर्वको उपलक्ष्यमा शुभकामना आदान प्रदान कार्यक्रम गरेको छ ।

शुभकामना आदान प्रदान कार्यक्रममा बोल्नुहुदै कार्यक्रमका प्रमुख अतिथि खसान अध्यक्ष प्रेमबहादुर खातीले एकात्मक ब्राह्मणवादी राज्यसत्ताको विरुद्ध मङ्सिरबाट निर्णायक आन्दोलन सुरु गर्ने चेतावनी सरकारलाइ दिएका छन् ।

“खस समुदायलाई आदिवासीमा सुचिकृत गर्न, खस र आर्यको क्लस्टर अलग गर्नु पर्ने साथै खसान प्रान्तको स्थापना नभइन्जेल अब ६० लाख खस क्षेत्रीले यो एकात्मक ब्राह्मणवादी राज्यसत्ताको विरुद्धमा निर्णयक आन्दोलन यहि मङ्सिर पहिलाे हप्ताबाट सुरु गर्ने छ ।” मन्तव्य राख्नेक्रममा अध्यक्ष खातीले बताएका हुन् ।

उक्त कार्यक्रममा संघीय लोकतान्त्रिक राष्ट्रिय मञ्चका अध्यक्ष कुमार लिङ्देन मिराक, माननीय पूर्व सभासद आर के खम्बू, संघीय शेर्पा मन्चका टेम्डी शेर्पा, संघीय तामाङ्सालिङ मन्चका मिङमार लामा, संघीय दलित शिल्पी मन्चका शर्मिला बागचन्द लगायतका नेताहरुले उक्त शुभकामना अादनप्रदान कार्यक्रममा शुभकामना मन्तव्य राखेका थिए ।

शुभकामना आदान प्रदान कार्यक्रम खसान राष्ट्रिय संघर्ष समिति उपत्याका अध्यक्ष शंकर थापाको अध्यक्षतामा भएको थियाे भने संचालन समितिका उपाध्यक्ष रघुविर संह ठगुन्नाले गरेका थिए ।