शिवसताक्षी। झापाको शिवसताक्षी १०मा आइतबार संघीय लिम्बुवान मञ्च, नेपाल मातहतको लिम्बुवान भोलेन्टियर्स (एल.भी.) कमाण्ड गठन भएको छ ।

मञ्चका केन्द्रीय उपाध्यक्ष ज्ञानुहाङ् इम्बुङ्को प्रमुख आतिथ्यतामा अर्पण मगरको कमाण्डमा ३५ सदस्यीय वार्ड कमाण्ड गठन गरिएको एल.भी. सिनियर फिल्ड उपकमाण्डर सुमन सम्बाहाम्फेले बताए । उक्त कार्यक्रममा मञ्चका क्षेत्रीय सदस्य शिव सेर्मा, लिला लावती, एल.भी. सिनियर कमाण्डर सुबिन चेम्जोङ लगायतको उपस्थिति रहेको थियो ।

कार्यक्रम एल.भी. फिल्ड उपकामाण्डर सञ्जय सिगुको अध्यक्षता र सिनियर फिल्ड कमाण्डर रतन सिगुको संचालनमा भएको थियो ।

विगत ढेड दशक देखि लिम्बुवान स्वायत्तता प्राप्तिको लागि निरन्तर स्वयम्सेवकको रुपमा खटिरहेका एल.भी.ले पहिचान र सह–अस्तित्व रक्षाको लागि संगठित गरेर लाने क्रममा निरन्तर गरिरहेको लिम्बुवान भोलेन्टियर्सका प्रवक्ता राजु राईले बताए । “जबसम्म पहिचान सहितको १०+१ अन्तर्गत लिम्बुवान स्वायत्त राज्य स्थापना हुँदैन एल.भी.हरुले निरन्तर राज्यसँग खबरदारी गरिरहने छन् ।” उनले भने ।