दमक। इलाम चुलाचुली गाउँपालिका वडा नं. १ का वडाध्यक्ष पूर्ण लावती (ध्रुव) मोटरसाईकल दुर्घटनामा परि घाइते भएका छन् । उनको विर्तामोड स्थित बि.एण्ड सि. हस्पिटलमा उपचार भईरहेको छ ।

आइतबार साँझ घरतर्फ जाने क्रममा नजिकैको दाहाल खोल्सीकाे खाल्डाेमा परि दुर्घटना हुँदा घाँटीको हड्डीमा असर परेर नसाँ च्यापिएर हात खुट्टा समेत चल्न नसकेपछि तुरुन्तै बिराटनगर न्यूरो हस्पिटल पुर्याइएको थियो । तर त्यहाँ भेन्टिलेटर खाली नभएपछि बिर्तामोड ल्याइएको भाइ आइन्द्र लावतीले बताए ।

निर्वाचित वडाध्यक्ष संघीय लोकतान्त्रिक राष्ट्रिय मञ्च तथा संघीय लिम्बुवान मञ्च नेपालका केन्द्रीय सदस्य समेत हुन् । स्थानीय चुनावमा चुलाचुली वडा नं. १मा मञ्चले प्यानलेनै चुनाव जितेको थियो ।