काठमाडौँ । कोरोना भाइरसबाट बढी प्रभावित हुने मुलुकको सूचिमा नेपाल ३४ औं स्थानमा पुगेको छ, याे संगै नेपालमा अब खतराकाे घण्टी बजेकाे छ  । वर्ल्डोमिटरको तथ्या‌ङक अनुसार कोरोना संक्रमित संख्याको आधारमा नेपाल ३४ औँ स्थानमा रहेको छ।

काेराेना महामारी सुरु भएको झण्डै एक वर्ष पुग्नै लाग्दा पनि अझै नियन्त्रणमा आउन सकेको छैन झनझन बढ्दै गएकाे छ । विश्वभर कोरोना संक्रमितको संख्या चार करोड ३८ लाखभन्दा बढी छ भने ११ लाख ६५ हजारभन्दा बढीले ज्यान गुमाइसकेका छन् ।

पछिल्लाे २४ घण्टाबाट कोरोनाबाट सबैभन्दा बढी प्रभावित भएको अमेरिकामा हालसम्म ८९ लाख ६२ हजार ७ सय ८३ जना संक्रमित भएकोमा २ लाख ३१ हजार ४५ जनाको मृत्यु भएको छ।  दोस्रो स्थानमा रहेको भारतमा कोरोना संक्रमितको संख्या ७९ लाख ४६ हजार ४ सय २९ पुगेको छ। भारतमा ज्यान गुमाउनेको संख्या १ लाख १९ हजार ५ सय ३५ पुगेको छ। यस्तै तेस्रो स्थानमा रहेको ब्राजिलमा कोरोना संक्रमितको संख्या ५४ लाख ११ लाख ५ सय ५० पुगेको छ भने मृत्यु हुनेको १ लाख ५७ हजार ४ सय ४१ रहेको छ।

यस्तै कोरोनाबाट बढी प्रभावित देशको सूचीमा रुस चौथो, फ्रान्स पाँचौँ, स्पेन छैठौँ, अर्जेन्टिना सातौँ, कोलम्विया आठौँ, मेक्सिको नवौँ र बेलायत दशौँ स्थानमा रहेको छ।

पछिल्लो २४ घण्टामा नेपालमा थप ५७० जना कोरोना संक्रमित थपिए सँगै नेपालमा कोरोना संक्रमितको संख्या १ लाख ६० हजार ४ सय पुगेको छ।  हाल देशभर सक्रिय संक्रमितको संख्या ४० हजार ६ सय ८१ रहेको छ भने २ हजार ९ सय ३२ जना क्वारेन्टिनमा छन्। यससँगै नेपालमा कोरोनाबाट ज्यान गुमाउनेको संख्या ८ सय ७६ पुगेको छ।