चुलाचुली। इलामको चुलाचुली गाउँपालिका वडा नं. को कुमाले खोलामा पक्की पुल बन्ने भएको छ । गाउँपालिकाको समन्वय र १ नम्बर प्रदेश सरकारको आर्थिक सहयोगमा सो पुल निर्माण हुन लागेको सो वार्डका अध्यक्ष पूर्ण लावतीले बताए ।

तस्वीरः सञ्जय राईको फेसबुक पेजबाट

उक्त पुलको शिलान्यास प्रदेश सभासदस्य माननीय धिरेन्द्र शर्मा (रमण) को बाहुलीबाट शिलान्यास कार्यक्रम सम्पन्न भएको छ । शिलान्यास कार्यक्रममा चुलाचुलीका जनप्रतिनिधिहरु, राजनैतिक दल, सामाजिक व्यक्तित्वहरुको उपस्थिति रहेको थियो । कार्यक्रममा भौतिक पूर्वाधार कार्यालय भद्रपुरका प्रमुख रमेश श्रेष्ठको पनि उपस्थिति रहेको थियो ।

उक्त शिलान्यास कार्यक्रम भौतिक पूर्वाधार विकास मन्त्रालय यातायत पूर्वाधार निर्देशनालय पूर्वाधार विकास कार्यालय, झापाले आयोजना गरेको हो ।